E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qeveria malazeze notë proteste Shqipërisë/ Boll e qelbët lumin Buna

12 Tetor 2019, 07:24, Politikë CNA

Qeveria e Malit të Zi i ka dërguar një notë proteste asaj shqiptare ku i kërkon të merren masa urgjente për ndalimin e ndotjes së lumit Buna, që ndan një pjesë të kufirit mes dy shteteve.

Sipas qeverisë malazeze, ndotja në lumin Buna, kërcënon imazhin e këtij destinacioni prestigjioz turistik.

?Duke ndjekur politikën e fqinjësisë së mirë, Qeveria e Malit të Zi, duke këmbëngulur vazhdimisht në zbatimin e të gjitha konventave ndërkombëtare, ka pasur një komunikim të vazhdueshëm me palën shqiptare.

Protesta e Qeverisë së Malit të Zi erdhi pasi kompetentët, me ftesë të banorëve të shqetësuar të Ulqinit, kanë hasur një sasi të madhe mbetjesh të gjësë së gjallë. Në lumë janë hasur koka të prera kafshësh si dhe shumë kafshë të ngordhura si lopë, pula dhe derra.?-thuhet ndër të tjera në notën e protestës së qeverisë malazeze.

Drejtoresha e Drejtorisë së çështjeve Ushqimore, Veterinare dhe Fitosanitare, Vesna Dakovic, e cila koordinoi aksionin në terren, tha të mërkurën se gjithçka ishte një problem ndërkufitar. Sipas saj, kafshët janë me origjinë nga Shqipëria, pasi në zonën afër këtij lumi, nuk ka ferma të pulave nga pala malazeze.

Autoritetet malazeze kanë urdhëruar menjëherë kryerjen e analizave, duke mos rezultuar të kishte ndonjë rrezik për sëmundje infektive, përveç rastit të disa gjurmëve të salmonelës. Ndërkohë është urdhëruar menjëherë pastrimi i zonës.-raporton MontenegroNews.

“Është e qartë se problemi është i natyrës ndërkufitare. Rezultatet e analizave laboratorike të mostrave treguan se shpendët nuk ishin të infektuar me ndonjë sëmundje që mund të bartej te njerëzit,? bëjnë me dije autoritetet në Malin e Zi.- tha Dakoviç.

Sikurse bëjnë të ditur mediat, protesta i është drejtuar palës shqiptare me iniciativën e Zëvendës Kryeministrit për Politika Ekonomike dhe Sistem Financiar, Milutin Simovic, dhe Ministrit të Zhvillimit të Qëndrueshëm dhe Turizmit, Pavel Raduloviç.

Më tej, në deklaratë thuhet se “Prandaj, pala malazeze është e detyruar të informojë të gjithë partnerët e saj ndërkombëtarë, të cilat do të bëhen në një procedurë zyrtare urgjente?.

Kujtojmë këtu se incidenti i parë i këtij lloji është raportuar zyrtarisht në 30 Shtator 2019. Me atë rast, inspektori mori mostra nga terreni dhe dërgoi për analiza për të përcaktuar që sasia e gjetur ishte hequr në mënyrë të padëmshme.