web counter
LEXO PA REKLAMA!

SHKARKO APP

App Store
Google Play

E fundit!

x

Pse Ilir Meta ka frikë nga dorëheqja?!

11 Tetor 2019, 11:13, Politikë CNA

Presidenti ynë i cili ditë pas dite bën foto të ndryshme me kafshë shtëpiake, na tregon sesa i fortë është duke u ngjitur maleve, apo duke u gajasur me batutat plot humor të Bes Kallakut apo lajmet për tërmet të Çim Pekës. Ditë pas dite nga një ?tarzan? i madh dhe luftëtar duket se po na kthehet në një ?spurdhiak?.

Por, a mund të ketë Shqipëria një president të tillë, një hajdut dhe frikacak. Doli publikisht dhe tha se do të jepte dorëheqjen nëse Venecia do të thoshte se ka shkelje të Kushtetutës, apo se ai kishte vepruar gabim për shtyrjen e datës së zgjedhjeve.

Venecia e deklaroi qartë se, ?Presidenti nuk ka kompetencë të shtyjë datën e zgjedhjeve. Ajo mund të bëhej vetëm në një situatë të jashtëzakonshme dhe për këtë duhej një ligj?.

Por, presidenti ynë e drodhi. Edhe dje në studion e Eni Vasilit, edhe disa ditë më parë në studio të tjera tha se ka zero shkelje të Kushtetutës, se ai nuk ka thënë se do të japë dorëheqje, por ka deklaruar se do të dorëhiqet vetëm nëse i mbushet atij mendja se ka shkelur ose Kushtetutën.

Prandaj, kjo është më e çuditshmja. Duhet t?i mbushet mendja Ilirit, që të japë dorëheqjen Iliri.

Por, cilit Ilir? Atij që shtyu datën e zgjedhjeve dhe që desh i vuri flakën Shqipërisë? Apo burrit të Monës që justifikon pasurinë, me trashëgimi nga babai?

E në fakt Ilir Meta nuk bëri gjë tjetër. Edhe sot edhe dje, edhe duke nxjerrë publikisht Blushin e tij apo duke përdorur mediat rreth tij dhe duke e quajtur propagandë atë që thonë kritikët e tij, Ilir Meta na tregoi një gjë tjetër.

Ilir Meta na tregoi se nuk është kaq trim se c?duket, por një ?spurdhiak? dhe një frikacak. Ai ka frikë të japë dorëheqjen nga President, sepse do të kapet pas mandatit të tij, sepse do të rrijë atje i fshehur derisa të zgjidhë me pazar hallet e tij.

Por, vështirë se do të shpëtojë. Sepse drejtësia nuk është më në dorë të tij, as të Edi Ramës, as të Lulit.

Mesa duket ky ?trim i madh?, i cili bën muskujt kur ka Besin dhe Çimin në krah, tani duket shumë i lagur, duket shumë i trembur. Edhe sot kur sërish Venecia e denoncoi, ai nuk foli, por u mbrojt.

Kohë më parë tha se do të dorëhiqej, ndërsa tani ka gjetur si zgjidhje sulmin ndaj Venecias. Ky është Ilir Meta. Ai që do të tregojë trimin dhe politikanin kurajoz, është në fakt një hajdut, spurdhjak dhe frikacak, që nuk ka kurajo të mbajë e asaj thotë.

Mos prisni gjë tjetër nga Ilir Meta, nga njeriu i cili u kap me bllok në dorë duke bërë pazare e duke vjedhur, me ministrin e tij të ndjerë Dritan Prifti dhe doli i pafajshëm, nga ajo drejtësi e kapur dhe e keqpërdorur nga pazaret e Ilir Metës, nga ekspertët e korruptuar që i bëri drejtorë dhe që sot i ka nga pas sponsor me kompani private që rrëmbejnë tendera e paguajnë media rrethe  rrotull tij.

Atëherë shpëtoi nga ekspertët shqiptarë, por sot duket se e ka të vështirë të shpëtojë. Sot këtë ai e di mirë, ndaj dhe është i trembur, deri në llahtarinë e tij sa frikën e nxjerr me humorin e Bes Kallakut dhe muskujt e Çim Pekës.

Edhe sot Venecia i dha një ?grusht? në fytyrë Ilir Metës, i cili nuk na tregoi gjë tjetër, por vazhdon të justifikohet se nuk ka shkelur Kushtetutën, kur në fakt nuk ka asnjë të drejtë për shtyrjen e datës së zgjedhjeve, sipas Kushtetutës.

E pra, në qoftë se Meta thotë se nuk e ka shkelur Kushtetutën, le të na thotë nenin në Kushtetutë, i cili thotë sesi apo në cilin rast mundet që Presidenti të shtyjë datën e zgjedhjeve.

Përtej këtyre pyetjeve që nuk kanë kurrë përgjigje nga Ilir Meta, ashtu siç nuk kanë përgjigje pasuritë e tij, milionat e eurove për shkollimin e fëmijëve të tij, apo partia e tij e korruptuar dhe banda e LSI-së.

Tani këto kanë shumë më pak vlerë sepse vlerën më të madhe e ka një dhe vetëm një gjë, frika e madhe dhe paniku që tregon çdo ditë Ilir Meta i cili duket i llahtarisur më shumë se kurrë. Kjo ka rëndësi dhe kjo është kryesorja. Të tjera do t?i shohim në ditët në vijim./ CNA.al





Lajmet e fundit nga