web counter
LEXO PA REKLAMA!

SHKARKO APP

App Store
Google Play

E fundit!

x

Legalistët kërkojnë dënimin e krimeve të komunizmit/ Ja pse u pushkatuan 16 intelektualë

11 Tetor 2019, 13:20, Politikë CNA

Kryetari i PLL-së, Shpëtim Axhami kërkon që të dënohen krimet e komunizmit, ndërsa bën apel që politika duhet të rrijë sa më larg ndikimeve negative për përfitime nga ana e saj.

Në një postim në rrjetet sociale, ndërsa kujton pushkatimin e 16 personave në tetor të 1947-ës, 5 prej të cilëve deputetë, Axhami thekson se pushkatimi i tyre u bë sepse ishin të bindur se komunizmi nuk ishte vullnet i popullit por imponim sllavo- bolshevik serbo-rus.

?Historia duhet flasë drejt, politika duhet të rrijë sa më larg ndikimeve negative për përfitime nga ana e saj.

Duhet të dënohen krimet e komunizmit.

Uzurpatoret komunist, për të siguruar pushtetin diktatorial të tyre, tashmë kishin filluar revanshin e tyre, duke deformuar historinë dhe duke zhdukur elitën patriotike kombëtare, pro perendimore antikomuniste.

Keshtu ndodhi edhe në Tetor te 1947, para 72 vitesh duke u pushkatuar 16 të pafajshëm, 5 prej të cilëve deputet, vetëm se ishin të bindur se komunizmi nuk ishte vullnet i popullit por imponim sllavo- bolshevik serbo-rus.?-shkruan Shpëtim Axhami.

Më tej, ai thekson se opozitarizmi ishte varrosur mbi gjakun  e patriotizmit, intelektual dhe atdhetar.

?Diversiteti i mendimit pushkatohej, ky diversitet kurrë nuk duhet te sherbente si luftë brenda shqiptarëve, ketë e projektoj regjimi komunist.

Diversiteti i mendimit duhet të na shërbejë si alternativë zhvillimi për kombin shqiptarë, por kjo do të ndodhë kur historia të shkruhet drejt dhe të denohen ligjërisht krimet e kumunizmit.

Lavdi dhe respekt për të gjithë ato që nuk u tërhoqën përpara litarit dhe plumit në gjygjet e inskenuara të diktaturës komuniste.?-përfundon postimin e tij Shpëtim Axhami./ CNA.al





Lajmet e fundit nga