web counter
LEXO PA REKLAMA!

SHKARKO APP

App Store
Google Play

Habit gazetari: Rama po i ngul gozhdën e fundit arkivolit ku mendon se ka futur Kosovën

11 Tetor 2019, 13:18, Politikë CNA

Gazetari Alfons Zeneli shprehet se kryeministri Edi Rama ?po i ngul gozhdën e fundit arkivolit ku ai mendon se ka futur Kosovën?

Sipas Zenelit, takimi i Novi Sadit është fishekzjarri , është tapa e shampanjës që hapet për të filluar festimin e realizimit të planit të shpallur të Vuçiçit për krijimin e një Jugosllavie të re Serbi+Shqipëri, plan të cilin ai e ka shpallur publikisht që vitin 2000.

?Tre mosketierët cirilikë në Novi Sad, thjesht po përpiqen të tendosin litarin në fytin e Kosovës dhe të kombit shqiptar. Plani i Vuçiçit synon që boshllëkun e krijuar kur humbi Kosovën me turp e luftë ta mbushë duke pushtuar e poshtëruar Shqipërinë me paqe?, shkruan Zeneli.

Postimi i plotë:

ÇFARË MUND TË THONË ENVERISTËT DHE
EDRAMISTËT E SHQIPËRISË DHE KOSOVËS
Që prej dy vjetësh në mënyrë zyrtare qeveria shqiptare e ka nxjerrë nga axhenda lobimin për njohjen e Kosovës. Pikërisht kjo iniciativë përkon dhe me intensifikimin e fushatës së diplomacisë serbe për të bllokuar proçesin e njohjes së Kosovës dhe për të negociuar tërheqjen e njohjes nga ana shteteve që e kanë njohur. Dhe kjo nuk ka qënë e rastësishme por një kordinim i studiuar i dy qeverive motra.

Emërimi i dhunshëm i Gent Cakës nuk ka qënë as për shkak të modelit të flokëve, as për shkak të numurit të librave të lexuar dhe as për shkak të SHA-së që administron shtratin e tij. Tash, Rama po i ngul gozhdën e fundit arkivolit ku ai mendon se ka futur Kosovën. Takimi i Novi Sadit është fishekzjarri , është tapa e shampanjës që hapet për të filluar festimin e realizimit të planit të shpallur të Vuçiçit për krijimin e një Jugosllavie të re Serbi+Shqipëri, plan të cilin ai e ka shpallur publikisht që vitin 2000.

Tre mosketierët cirilikë në Novi Sad, thjesht po përpiqen të tendosin litarin në fytin e Kosovës dhe të kombit shqiptar. Plani i Vuçiçit synon që boshllëkun e krijuar kur humbi Kosovën me turp e luftë ta mbushë duke pushtuar e poshtëruar Shqipërinë me paqe.





Lajmet e fundit nga