web counter
LEXO PA REKLAMA!

SHKARKO APP

App Store
Google Play

"Në 3 vite, 38 shkelje"/ Meta godet qeverinë

8 Tetor 2019, 17:15, Politikë CNA

Në një bashkëbisedim me studentët e ekselencës presidenti i vendit, Ilir Meta, ka folur për problemet që sjell mungesa e Gjykatës Kushtetuese.

Sipas tij, mungesa e këtij institucioni të rendësishëm fuqizon më tepër qeverinë e cila bëhet e gjithëpushtetshme. Presidenti u shpreh se në 3 vite pa Gjykatë Kushtetuese janë bërë 38 shkelje, duke e konkretizuar deklaratën e tij me një shembull nga politika e taksave.

?Në 2017 u bllokua KED, sepse dikujt nuk i pëlqyen emrat që dolën nga shorti. Iku një vit asgjë nuk funksionoi. Po e njëjta gjë ndodhi edhe një vit më pas. Tashmë kemi 2 vjet e gjysëm që përpiqemi por pa rezultat. Kush përfiton nga mungesa e Gjykatës Kushtetuese? Opozita, pushteti vendor apo ndonjë grup interesi? Jo asnjë nga këto. Përfiton qeveria që bëhet e gjithëpushtetshme. Në 3 vjet pa Gjykatë Kushtetuese janë 38 shkelje të bëra. Neni 155 i kushtetutës për politikën e taksave thuhet se asnjë ndryshim smund të ketë efekt prapaveprues. Çka domethenë që ka efekt në të ardhmen jo në të shkuarën.

Ti miraton një ndryshim të taksës për dividentin dhe jep fuqi para dhe prapavepruese pa limit. Shkelja është skandaloze seps kemi një goditje të barazisë. Po ashtu kjo sjell një probleme edhe në buxhetin e shtetit. E them këtë shembull sepse me Gjykatë Kushtetuese funksionale një gjë e tillë nuk do të ndodhte?, ka deklaruar presidenti Meta./CNA.al





Lajmet e fundit nga