web counter
LEXO PA REKLAMA!

SHKARKO APP

App Store
Google Play

E fundit!

x

"PD, pro ndryshimit"/ Basha: Nuk është problem sistemi, por politika

5 Tetor 2019, 16:47, Politikë CNA

Në “Kjo Javë”, i pyetur nga gazetarja Nisida Tufa se çfarë kërkon Partia Demokratike, ndërkohë që aleatët janë pro ndryshimit të sistemit zgjedhor, Basha është shprehur se është pro ndryshimit, mirëpo sistemi nuk është problemi.

Sipas kreut të demokratëve, problemi ka qenë gjithmon kapja e politikës nga krimi dhe se pa e ndarë shtetin nga krimi apo partia në pushtet, çdo sistem i zgjedhur të nxjerrë në të njëjtin përfundim.

“Nuk është e vërtetë, une kam shprehur qartë qëndrimet e mia për këtë. Unë besoj se sistemi se si shqiptarët zgjedhin pushtetin qëndror dhe pushtetin vendor ka vend për përmirësime të dukshme. Partia Demokratike gjithmon ka qenë pro që qytetarët të zgjedhin vetë përfaqësuesin e tyre. Unë mendoj se në këtë fazë të demokracisë shqiptare kemi nevojë për një reformim. Shpeshherë kam kërkuar një system mazhoritar apo qoftë edhe një sistem propocional kombëtar.

Unë jam i hapur për të gjitha këto, por mbi te gjitha dua te theksoj dy gjëra; e para, çfarëdo sistemi të zgjedhim, ne, pa zgjidhur problemin e kapjes se politikës nga krimi, pa e ndarë shtetin nga krimi, pa e ndarë shtetin nga partia në pushtet, çdo sistem që të zgjedhim do të nxjerrë në të njëjtin përfundim.

Nuk mendoj se sistemi është shkaku apo zgjidhja e kësaj problematike me zgjedhjet. Shkaku është bashkëpunimi i politikës me krimin dhe zgjidhja është ndarja e politikës nga krimi. Demokracia i takon çdo qytetari. Unë jam absolutisht pro edhe për votën e emigrantëve.”/ CNA.al





Lajmet e fundit nga