web counter
LEXO PA REKLAMA!

SHKARKO APP

App Store
Google Play

E fundit!

x

Braçe i përgjigjet akuzave të PD/ "Ishte shantazh, kam informacione të plota, emra e mbiemra"

5 Tetor 2019, 10:39, Politikë CNA

Zëvendës kryeministri Erjon Braçe, në një konferencë për shtyp ka reaguar në lidhje me vendimin e Gjykatës së Durrësit për ish-drejtorin e ASHK-së si dhe njëkohësisht iu është përgjigjur akuzave të PD-së ndaj tij.

Braçe shprehet se kallëzimi prej rreth 5 faqesh është bërë nga persona anonim dhe se nuk ka asnjë lidhje me ish-Drejtorin e AKSH-së. Sipas Braçes ish-drejtori është kërcënuar prej rreth një muaji me fjalët: ?Sa të kushton vend i punës?, fakte këto të cilat nuk iu paraqitën Gjykatës Durrës nga prokurori i çështjes, Arjan Ndoi.

Zëvendës Kryeministri është shprehur se vendimi i Gjykatës së Durrësit ishte i gabuar për shkak se prokurori nuk ka paraqetur të gjitha faktet ashtu siç duhen. Ndërsa shton se ka marrë informacione të plota për shantzhin dhe persona të përfshirë në të.

Pjesë nga deklarata e Braçes:

S?ka lidhje me çështjen fare. Kallëzimi i është drejtuar specifikisht këtij prokurori. Ky kallëzim i është drejtuar këtij prokurori nga person anonim. Janë 5 faqe. Në asnjë rresht të tij kallëzuesi nuk përmend Drejtorin e ASHK-së në Durrës. Drejtori i ASHK-së është kërcënuar prej rreth 1 muaji. Kërcënimi i bërë drejtorit të ASHK-së : “Sa të kushton vend i punës”.

Ky fakt nuk iu paraqit dje Gjykatës së Durrësi. Prokurori mashtroi dje, nuk ia paraqiti të gjitha provat. Unë i kam të gjitha këto fakte.

Në këto kontrata nuk bëhet fjalë për përqindje por për apartamente.  Kjo është njëra prej kontratave që dua t?iu tregojë. Prokurori mashtroi dje gjykatën kur tha që nuk anë vënë kufizime për kompaninë Lura në komplekset Lura.

Prokurori mashtroi kur tha se kanë ndodhur 30 transaksione, nuk ka ndodhur transaksione tregtare midis kompanisë dhe personave që do të blinin pronat.

Të gjitha këto, kanë bërë krimin që i kanë marrë lirinë një qytetari. Nuk ka gjë më të keqe sesa t?i marrësh lirinë një personi përmes sistemit të drejtësisë.

Drejtorin e ASHK-së Durrës as e kam futur unë dhe as e kam komanduar unë në punë. Librat në Agjensinë Kombëtare të Kadastrës në Durrës janë të hapura për të gjithë ju.

Po ashtu, as unë, bashkëshortja ime, familja ime, familja e bashkëshortes, në rreth të parë, në rreth të dytë e të pafundëm nuk ka asnjë lidhje gjaku me Liridon Pulën. Talebani që artikuloi këtë dje dhe ngriti mbi këtë shpifje një episod të tërë korrupsioni do të vijë ta provojë në gjykatë dhe ky do të jetë fillimi për të dhe rracën e tij të talebanëve politikë në përballjen për çdo gjë të bërë në këtë vend.

Për kuriozitetin tuaj dhe të prokurorit, unë kam marrë informacione për atë shantazh dhe gjithë personat pjesëmarrës në të me emra dhe mbiemra.

Drejtuesin e ASHK në Durrës e kam takuar vetëm 2 herë gjatë gjithë jetës. Në muajin maj dhe në muajin qershor. Njëherë në ASHK-në e Durrësit dhe herën e dytë këtu poshtë në katin e parë, gjatë një raportimi të përmuajshëm. Kamerat e të dyja institucioneve mund ta dëshmojnë fare mirë këtë gjë. Me të kam folur vetëm një herë në telefon, të shtunën e javës që shkoi ku pas një statusi të një talebani politik, i gjithë i rremë i kam kërkuar shpjegime dhe mora përgjigje prej tij se ajo ngjarje nuk kishte ekzistuar kurrë. Në atë bisedë, të vetmen telefonike kam marrë të gjithë dëshminë e shantazhit një mujor ndaj tij, me emra e mbiemra me episode konkrete. Pas asaj dëshmie kam njoftuar drejtuesin e KLP, të Prokurorisë, kryeministrin e kreun e komisionit të ligjeve.

Nuk kam pasur asnjë kontakt me këtë prokuror, e kam njohur vetëm gjatë këtyre ditëve. Nuk kam pasur asnjë kontakt kur u regjistrua procedimi, as gjatë hetimit dhe as dje kur lexoi akuzën dhe justifikoi para gjykatës arrestin. Dje gjatë shqyrtimit gjyqësor nuk kam pasur asnjë kontakt me të. Përgjatë një muaji nuk kam qenë në dijeni përveç se të shtunën që shkoi. Nuk e kam njohur dhe s?kam komunikuar kurrë me këtë njeri. Gjykatësin e gjyqit të djeshëm nuk e njoh fare dhe që nga dje nuk dua as ta njoh fare. Nuk kam folur deri dje, vetëm kam heshtur. Kam folur dje pas vendimit më shumë për atë që di unë.

Të vihesh në dijeni të akteve kriminale dhe të durosh gjithë krimin e konsumuar hapur kundër lirisë së tjetrit, ky është presioni? E vërteta patjetër që është e fortë por jo presion./CNA.al

Gjyqi ndaj drejtorit të Kadastrës në Durrës/ PD: Rama e Braçe presion gjyqtares që të mos e dënojë





Lajmet e fundit nga