web counter
LEXO PA REKLAMA!

SHKARKO APP

App Store
Google Play

E fundit!

x

Lufta tregtare në fokus/ Të Martën “zbulohet” e vërteta

28 Shtator 2019, 12:46, Kosova & Bota CNA

Nuk është më probabilitet, por realitet; përshkallëzimi i luftës tregtare mes Shteteve të Bashkuara dhe Kinës si dhe forcimi i dollarit po shkaktojnë dëme të mëdha te prodhuesit amerikan të cilët mbështeten në tregjet globale. Pjesëmarrësit e tregut do të kenë një pasqyrë më të qartë të pasojave të luftës tregtare gjatë kësaj jave, pasi të Martën do të publikohet indeksi PMI për manifakturën në Shtetet e Bashkuara.

Ky indeks do të tregojë realisht se sa janë dëmtuar prodhuesit amerikanë nga kjo luftë e cila s`po di më të mbarojë. Të dhënat e Gushtit tregonin se, sektori i manifakturës, që zë edhe 12% të ekonomisë së vendit, u tkurr për të parën herë në më shumë se 3 vite e gjysmë, ndërkohë që eksportet prekën minimumin 10 vjeçar.

Ekspertët thonë se, eksportuesit janë një hap larg recesionit të paralajmëruar. Vetëm gjatë Gushtit porositë e reja ranë me 43.3%, që është edhe niveli më i ulët që prej prillit të vitit 2009. Asokohe, Shtetet e Bashkuara të Amerikës ishin nën thundrën e recesionit të madh.  Pra, e Marta do të jetë dita e të vërtetës për prodhuesit e sidomos për tregjet, që presin çdo lloj sinjali të mundshëm për të kuptuar diçka./ SCAN





Lajmet e fundit nga