web counter
LEXO PA REKLAMA!

SHKARKO APP

App Store
Google Play

E fundit!

x

Hapet fushata zyrtare për zgjedhjet parlamentare në Kosovë

25 Shtator 2019, 16:32, Kosova & Bota CNA

Të mërkurën partitë politike në Kosovë hapën edhe zyrtarisht fushatën dhjetëditëshe për zgjedhjet e parakohshme parlamentare të 6 tetorit, ndonëse fushata në terren ka filluar që para shpalljes së këtyre zgjedhjeve muajin e kaluar.

Gjithsej 25 subjekte politike, raporton radioja Zeri i Amerikës, nga të cilat 20 parti dhe katër koalicione do të konkurrojnë me rreth 1070 kandidatë për Parlamentin 120 vendesh të Kosovës, ndërsa janë të regjistruar mbi një milion e 900 mijë votues me të drejtë vote.

Bashkimi Evropian tashmë ka filluar vendosjen e një misioni prej rreh 100 vëzhguesve për zgjedhjet e 6 tetorit, ndërsa për vëzhgimin e tyre janë zotuar edhe diplomatët euro perëndimorë të akredituar në Prishtinë.

Policia e Kosovës dhe mekanizmat tjerë për mbarëvajtjen e procesit zgjedhor thonë se janë duke bashkërenduar planet e përbashkëta të veprimit për të siguruar një mjedis të qetë në ditën e zgjedhjeve.

Prokurorja Laura Pula, bashkërenduese kombëtare për zgjedhjet, tha se prokuroria e shtetit është e gatshme që edhe kësaj radhe të mbrojë të drejtën e votës.

Katër subjekte politike, ndërkaq, nga radhët e komunitetit serb janë regjistruar për të marrë pjesë në këto zgjedhje dhe kësaj radhe si asnjëherë më parë serbët janë të ndarë. Një pjesë e mbledhur rreth Listës serbe, ka përkrahjen e Beogradit zyrtar ndërsa pjesa tjetër akuzon Serbinë për manipulim me qytetarët serb që jetojnë në Kosovë. Për herë të parë në këto zgjedhje, Nenad Rashiç që është bartës i listës së koalicionit Liria, po kandidon për pozitën e kryeministrit të Kosovës.

 





Lajmet e fundit nga