web counter
LEXO PA REKLAMA!

SHKARKO APP

E fundit!

x

Sekuestrohen 800 kg drogë në Spanjë/ Katër shqiptarë në pranga

25 Shtator 2019, 13:47, Kosova & Bota CNA

Katër shqiptarë kanë rënë në prangat e policisë spanjole, nën akuzën e kultivimit dhe trafikimit të lëndëve narkotike.

Ata administronin një plantacion marijuane në rrethinat e qytetit katalonjas të Tortozës.

Sipërfaqja e mbjellë me rreth 1.100 bimë hashashi ishte kamufluar mes të mbjellave të tjera dhe u diktua rastësisht nga një qytetar.

Në total, pesha e drogës e zbuluar nga agjentët e policisë arrinte deri 800 kilogramë me vlerë tregu deri në gjysmë milion euro.

Autoritetet thanë se kjo është sasia më e madhe e sekuestruar në vitet e fundit.

Ndërkohë një tjetër operacion gjatë ditës po në Spanjë u arrestuar edhe një tjetër shqiptar i shumëkërkuar.

33-vjeçari shqiptar, identiteti i të cilit nuk bëhet i ditur, u ndalua në qytetin e Valencias pasi prej kohësh po mbahej nën vëzhgim./CNA.al





Lajmet e fundit nga