web counter
LEXO PA REKLAMA!

SHKARKO APP

App Store
Google Play

E fundit!

x

 Ivi Kaso zbulon pse PD është kundër Parlamentit

26 Shtator 2019, 18:27, Politikë CNA

Sekretari për Çështjet Zgjedhore në PD, Ivi Kaso, ka qenë i ftuari i rradhës i studios së TV “ABC NEWS”, ku pjesë e diskutimit ka qenë tryeza e djeshme e OSBE me forcat politike dhe pesë kushtet e lëna mbi tryezë nga PD për të vijuar procesin e dialogimit për Reformën zgjedhore.

Krahas argumentave që e mbështesin qëndrimin e opozitës Kaso ka zbuluar dhe faktin pse nga PD është shprehur kategorike në kundërshimin që, në finale, Reforma zgjedhore të kalojë nga Parlament.

?Instrumenti i vetëm ekzistues është Komisioni i Posaçëm i Reformës Zgjedhore, që ne vazhdojmë ta konsiderojmë jolegjitim, pasi Parlamenti nuk është legjitim, se ai ka dalë nga vota e blera nga krimi i organizuar. Legjitimiteti iPparlamentit dhe nënprodukteve të tij është në pikëpyetje serioze, nga ana tjetër ky Komision dominohet vetëm nga një forcë politke. Në përbërje të tij nuk ka asnjë përfaqësues të opozitës së bashkuar. Shqipëria sot ka vetëm një opozitë dhe kjo është opozita e bashkuar.

Aksioni politik i atij Parlamenti është unison, nuk ka dallim nga mazhoranca e opozita. Ata janë të gjithë deputetë që votojnë në unison dhe në këtë koncept komisioni i reformës zgjedhore është i dominuar nga deputetë të parlamentit monopartiak dhe propozimi ynë është të ngremë forum që të drejtohet nga ndërkombëtarë pasi ata janë të vetmit që gëzojnë respektin, kanë ekspertizën dhe do i vënë vulën?, ka thenë Kaso./CNA.al





Lajmet e fundit nga