E fundit!

11:48 Aktualitet

Helmimet e studentëve të Akademisë së Sigurisë/ Muçollari: Pasojë e një qeverisjeje që ka humbur prioritetet

Anëtari i Kryesisë së PD-së Grigels Muçollari ka reaguar n...

Studentja e ekselencës refuzon Lulin/ Burracakët nuk i rezistojnë stuhive

26 Shtator 2019, 13:35, Politikë CNA

Melisa Braci, është një nga studentët ekselentë të Universitetit të Shkodrës.

Melisa Braci e cila që e vogël ka qënë me PD, ka shprehur një refuzim të hapur ndaj kreut të kësaj partie, Lulzim Basha.

Braci ishte e pranishme një ditë më parë në auditoret e Universitetit Luigj Gurakuqi, ku ish-kryeparlamentarja Jozefina Topalli u nderua me Çmimin e Karrierës.

Ndërkohë, në lidhje me fjalën e zonjës Topalli, Melisa Braci në një koment të saj, shkruan se ?Në fjalimin e saj, të gjatë, por aspak të lodhshëm, në sinergji të plotë, bashkoheshin grimca emocionesh nacionaliste, revolucionare dhe mallëngjyese.?.

Gjithashtu, ajo e cilëson fjalën e Topallit, si një ?Rikthim në fjalime dinjitoze, rikthim në pasion politik e lidershipi, rikthim në nxitje e vetëbesim tek rinia, rikthim në të djathtën dhe historinë e trishtë, ama të guximtë, shqiptare.?.

Më tej, Melisa Braci nuk kursehet në fjalët e saj, ndërsa duke iu drejtuar në mënyrë indirekte Bashësm, shkruan se ?Ama, burracakët/et nuk i rezistojnë as stuhive, as krizave e as armiqve. Rruga e tyre politike është aq dritëshkurtër sa horizonti i tyre mendor. Pasioni, besueshmëria dhe intelekti janë thelbi i figurave historike. Për mirë ose për keq nuk dihet. Fundja, historinë s?do e shkruajnë ata. Të paktën këtë, gjenerata tjera do ta kenë në dorë !?.

Shkrimi i plotë:

Në ditën e dhënies së Çmimit të Karrierës nga Universiteti i Shkodrës për Jozefina Topallin ishte e vështirë të mos përloteshe. Të gjithë e ndalëm veten (mbase, se shumica e mbartim një grimcë ? zonje të hekurt? në vetvete).

Në fjalimin e saj, të gjatë, por aspak të lodhshëm, në sinergji të plotë, bashkoheshin grimca emocionesh nacionaliste, revolucionare dhe mallëngjyese. Emocione që buronin jo vetëm nga përshkrimet e ndjera që ia kishte bërë rrugëtimit të saj akademik e politik, Znj. Topalli, por dhe si rikthim në kohët e vjetra.

Rikthim në fjalime dinjitoze, rikthim në pasion politik e lidershipi, rikthim në nxitje e vetëbesim tek rinia, rikthim në të djathtën dhe historinë e trishtë, ama të guximtë, shqiptare.

Një histori e zymtuar nga luftërat e brendshme, më shumë se inferioriteti ndaj pushtuesve apo diktatorëve. Megjithatë, kishte dhe kthesa të ndritshme, e ai auditor e duartrokiti nxitimthi dhe në sinkron: integrimin e Shqipërisë në NATO ( i arritur me sukses) e pastaj gradualisht në strukturat e BE .

Kështu pra, nuk ishte aq edhe e pamundshme që nga një vend i barabartë me botën e tretë të bashkoheshe me nivele të tilla ndërkombëtare. Ishte një skuadër historike që e bëri realitet, duke gdhendur emrin e tyre në anën e ndritur të historisë.

Por, përsiatja e disave për ta shkrumbosur këtë të fundit është e dhimbshme dhe mizore . Ndaj dhe dje salla u elektrizua , kur në rreshtat e Jozefina Topallit çdo i ri dhe çdo i madh gjente veten. Në kalvarin e saj kupton që kohërat kanë ndryshuar, por taktika uzurpuese ngel e njëjtë: Shkërrmoqja e intelektualizmit. ? Divide et impera?, si në Romën e Lashtë, por me doza shumë më të ulëta trimërie.
Ama, burracakët/et nuk i rezistojnë as stuhive, as krizave e as armiqve. Rruga e tyre politike është aq dritëshkurtër sa horizonti i tyre mendor. Pasioni, besueshmëria dhe intelekti janë thelbi i figurave historike. Për mirë ose për keq nuk dihet. Fundja, historinë s?do e shkruajnë ata. Të paktën këtë, gjenerata tjera do ta kenë në dorë !
Faleminderit, znj. Topalli ! Faleminderit për retrospektivën reflektuese në të shkuarën dhe për nxitjen e vetëvendosjes në të ardhmen !/ CNA.al