web counter
LEXO PA REKLAMA!

SHKARKO APP

App Store
Google Play

E fundit!

x

Rudina Hajdari rikthehet në tryezën e OSBE/ Reagimi ishte emocional

25 Shtator 2019, 11:51, Politikë CNA

Pas debateve të forta sot në tryezën e thirrur nga OSBE, për Reformën Zgjedhore, deputetët e opozitës parlamentare janë larguar nga mbledhja.

Në atë moment nga salla është larguar edhe bashkëkryetarja e komisionit të Reformës Zgjedhore, Rudina Hajdari, e cila e revoltuar iu ka bërë thirrje deputetëve të mos bëjnë ?show? politik.

Më pas Hajdari, së bashku me deputetët e opozitës parlamentare, u rikthye në sesionin e dytë të tryezës së OSBE-së duke kërkuar ndjesë për largimin nga sesioni i parë.

Largimin nga kjo tryezë ajo e cilësoi si emocional, pasi akuzoi përfaqësuesin e PD-së, Ivi Kaso se nuk erdhi si teknikcien, por si përfaqësues politik i PD-së.

?Më lejoni të bej sqarim te vogël. Ishte një reagim emocional se kishte një rend ditë që u ndryshua. Ishte një reagim emocional, zoti Kaso që erdhi këtu nuk është teknikcien, por anëtar i kryesisë së PD-së, person politik.

Kaso duhet të ishte qortuar edhe nga ambasadori, pasi po mundohet të bllokojë procesin e reformës zgjedhore.

Patjetër që do të kemi probleme dhe shqetësime, më erdhi keq që nuk dëgjova ekspertët e parë. Grupi parlamentar demokrat dhe i pavarur do të qëndrojnë dhe do të vijojnë punën.

Ky ishte një reagim emocional dhe i natyrshëm. Nuk mundet askush që të bllokojë këtë proces. Ne do të rrimë në parlament dhe në komisionin e reformës dhe partneritetin tonë me ndërkombëtarët për të dhënë shqiptarëve reformën zgjedhore? tha Rudina Hajdari. / CNA.al





Lajmet e fundit nga