E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

“Zoti i ndriçoftë”/ Olli “dush të ftohtë” ndërkombëtarëve dhe Bashës

25 Shtator 2019, 11:16, Politikë CNA

Anëtari i Bordit Drejtues të Bindjes Demokratike, Leonard Olli ka reaguar në lidhje me situatën e krijuar sot në tryezën e OSBE-së, për Reformën Zgjedhore.

Në një postim në rrjetet sociale, Olli i ka bërë ?dush të ftohtë? si ndërkombëtarëve, por edhe kreut të Partisë Demokratike, Lulzim Basha.

Ndërkohë që në media u trumbetua fort pjesëmarrja e opozitës jashtë parlamentare në këtë tryezë dhe ndërkombëtarët e përshëndeten vendimin e PD-së, ishte vetë Basha që doli në deklaratë për mediat, duke sfumuar aktivitetin.

Olli shkruan se ?Ndjehem i keqardhur për zhgënjimin e OSBE apo edhe për deklaratën e ambasadës së USA, e cila në fakt ra pa u bërë publike ende…. madje ishte shumë interesante se ai që u tentua të pompohej si lider, gjatë kohës së një tryeze shumë serioze të thirur nga OSBE, për karshillëk kishte lënë komunikim me median në të njëtën orë… Çfarë respekti për palët e përfshira në gjetjen e zgjidhjes…. .?

Më tej, ai thjekson se në rast se ndërkombëtarët besojnë se do zgjidhin ngërçin me të njëjtët aktorë, atëhere më të zhgënjyerit nga të gjithë janë shqiptarët.

?Të presësh nga ujku të luajë rolin e qenit të stanit është përtej naivitetit. Zoti i ndriçoftë ndërkombëtarët se ndër shqiptarë ka dhënë me kohë ndihmën e tij hyjnore në fazën e parë, atë të të kuptuarit të situatave…. Nuk mund të ketë zgjidhje për zgjidhje, por vetëm zgjidhje gjithëpërfshirëse dhe të gjithanshme, ndryshe plaga do të ruajë përjetësisht infeksionin e rëndë….?-shkruan Leonard Olli.

Postimi i plotë:

Ndjehem i keqardhur për zhgënjimin e OSBE apo edhe për deklaratën e ambasadës së USA, e cila në fakt ra pa u bërë publike ende…. madje ishte shumë interesante se ai që u tentua të pompohej si lider, gjatë kohës së një tryeze shumë serioze të thirur nga OSBE, për karshillëk kishte lënë komunikim me median në të njëtën orë… Çfarë respekti për palët e përfshira në gjetjen e zgjidhjes….

Në rast se ndërkombëtarët besojnë se do zgjidhin ngërçin me të njëjtët aktorë, atëhere më të zhgënjyerit nga të gjithë janë shqiptarët! Të presësh nga ujku të luajë rolin e qenit të stanit është përtej naivitetit. Zoti i ndriçoftë ndërkombëtarët se ndër shqiptarë ka dhënë me kohë ndihmën e tij hyjnore në fazën e parë, atë të të kuptuarit të situatave…. Nuk mund të ketë zgjidhje për zgjidhje, por vetëm zgjidhje gjithëpërfshirëse dhe të gjithanshme, ndryshe plaga do të ruajë përjetësisht infeksionin e rëndë…./CNA.al