web counter
LEXO PA REKLAMA!

SHKARKO APP

App Store
Google Play

E fundit!

x

PD kundër ndryshimit të Sistemit Zgjedhor/ Nuk është ky problemi

25 Shtator 2019, 12:38, Politikë CNA

Sekretari për Çështjet Zgjedhore në PD, Ivi Kaso është shprehur sot qartë, se Partia Demokratike është kundër ndryshimit të sistemit zgjedhor.

I ftuar në News 24, Kaso tha se nuk është problemi sistemi zgjedhor dhe shtoi se ndryshimi i sistemit nuk është në problemet e adresuara nga OSBE-ODIHR.

Ndërsa theksoi se problemi me zgjedhjet në Shqipëri nuk është sistemi zgjedhor, Kaso tha se opozita kërkon ngritjen e një forumi të drejtuar ose survejuar nga ndërkombëtarët, ku palët politike të përfaqësohen në mënyrë të barabartë dhe të bëjnë propozimet e tyre për gjithçka duhet rregulluar, që Shqipëria të zhvillojë zgjedhje të lira e të ndershme.

?Ne duam të krijohet një forum, që të ketë në përbërje përfaqësues të besueshëm ndërkombëtarë. Forumi të drejtohet ose survejohet nga ndërkombëtarët dhe palët të përfaqësohen në mënyrë të barabartë, me një përfaqësues të parlamentit monopartiak dhe një të opozitës.

Edhe në raportet e ODIHR nuk është konsideruar si problemi kryesor e i vetëm ndryshimi i sistemit zgjedhor. Nxitimi për ta adresuat problemin te ndryshimi i sistemit është tentativë për të devijuar.

Nëse forumi do jetë i përshtatshëm, opozita e bashkuar ka platformën e saj sa i përket çlirimit të zgjedhjeve me propozime konkrete dhe ndryshime, qoftë edhe të Kushtetutës, nëse do jenë nevoja, për të dhënë sa më shpejt zgjidhje. Nuk do të humbet asnjë minutë kohë nga opozita për të dhënë propozime konkrete dhe draftuar zgjidhje konkrete.?-tha ndër të tjera Ivi Kaso./ CNA.al





Lajmet e fundit nga