E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Rama dhe Basha gati për zgjidhje në tavolinë/ Zbulohen detajet e marrëveshjes

13 Shtator 2019, 08:16, Aktualitet CNA

Prej rreth shtatë muajsh, opozita ka djegur mandatet e deputetëve, në shenjë proteste kundër qeverisë, të cilën e akuzon se ka ardhur në pushtet me vota të vjedhura.

Ndërkohë Partia Demokratike, e drejtuar nga Lulzim Basha, si dhe aleatët e saj bojkotuan edhe zgjedhjet për pushtetin vendor, duke theksuar si kusht të panegociueshëm krijimin e një qeverie tranzitore, pa Edi Ramën kryeministër.

Opozita zhvilloi edhe një sërë protestësh, ku shumë prej tyre u shoqëruan edhe me akte dhune si bomba molotov kundër uniformave blu, etj.

Por, këto vendime sollën pasoja katastrofale për Partinë Demokratike, e cila sot ka humbur çdo lloj pushteti në Shqipëri. Për herë të parë në 30 pluralizëm politik në Shqipëri, PD nuk ka asnjë përfaqësues në parlament dhe as në pushtetin lokal.

Por, tashmë ka edhe një tjetër detaj. Ajo që nisi si përplasje e fortë me bomba molotov e flakë para parlamentit, është zbutur. Opozita kishte paralajmëruar se në shtator do kishte protesta, por gjysma e shtatorit iku dhe skemi parë asnjë të tillë.

Zbutja e toneve, heqja dorë nga protestat, nga ana tjetër edhe qëndrimi i aleatëve të PD-së, të cilët duket se kanë hequr dorë nga kushti i panegociueshëm për zgjedhje pa Edi Ramën kryeministër, të bën të kuptosh se tashmë ka në sfond një marrëveshje mes të dy palëve.

Në qarqet mediatike flitet se kryetari i PD-së, Lulzim Basha dhe kryeministri Edi Rama kanë rënë dakort për një zgjidhje në tavolinë dhe se marrëveshja është tashmë gati. Për më tepër flitet se PD do të marrë gjysmën e ministrive ,ndërsa gjysmën tjetër të ministrive e merr PS. Lulzim Basha pritet të marrë detyrën e kreut të Parlamentit, ndërsa kryeministër me shumë gjasë, sipas atyre që thuhen në media, do të jetë Bashkim Fino.

Këto detaje u zbuluan mbrëmjen e djeshme Live në emisionin ?Open? në Top Channel, ku moderatorja Eni Vasili tha se kishte marrë një mesazh nga një mik i saj, ku thuhej se ?Dikush më shkruan që marrëveshja mes Bashës dhe Ramës është arritur. Partia Demokratike merr gjysmën e ministrive dhe Basha bëhet kryetar Parlamenti. Ndërsa gjysmën tjetër të ministrive e merr PS. Kjo qeveri do ketë kryeministër Bashkim Finon?./ CNA.al