Skandali 300 milion i Blendi Çuçit/ Prokuroria s’ka sy, as veshë

10 Shtator 2019, 13:50, Aktualitet CNA

Prej disa ditësh, CNA.al ka raportuar një investigim në lidhje me një tender të zhvilluar në Ministrinë e Bujqësisë. Një tender me një vlerë rreth 1.6 miliardë lekë, ku konkuronin katër kompani.

Në fakt, pas publikimit të fituesit në APP ngrihen të gjitha dyshimet se në tender i cili ka Lotin e gjashtë, apo pjesën e gjashtë të rehabilitimit të përroit të Zaranikës, janë të gjitha dyshimet për abuzim me të paktën 300 milionë lekë.

Kjo vjen nga vetë shpallja e rezultatit dhe nga proçedura e zhvilluar e tenderit, ku në vlerën rreth 1.6 miliardë lekë, fituesi është shpallur me 1.55 miliardë lekë, ndërkohë që fituesi i parë dhe i vërtetë ka qënë me 1.2 miliardë lekë.

Më tej ka pasur edhe dy ofertues të tjerë, me vlera më të ulëta, por Ministria e Bujqësisë nuk i ka vlerësuar tre fituesit në rrjesht, por duke u futur në proçedura dhe ankimime i ka skualifikuar dhe ka lënë fituese firmën me vlerën më të lartë.

Më poshtë keni linqet dhe të gjitha materialet e plota të këtij investigimi të bërë nga CNA.al.

Nga ana tjetër, pas denoncimit tonë duhet të qëndronte edhe prokuroria, e cila e ka detyrim ligjor që të fillojë hetimet kryesisht për këtë skandal. E në qoftë se do flasim me ligjin, Prokuroria e Tiranës ditët e fundit burgosi disa biznesmenë, ndonjë prej tyre edhe me vlera shumë më të ulëta sesa 300 milionëshi i dyshuar si abuzim total nga Ministria e Bujqësisë.

Ndërkohë që për 10 apo 15 milion lekë të vjetra po qëndrojnë njerëzit në burgje, apo arrestohen për faturat e dritave qytetarë që nuk i kalojnë 100 mijë lek të vjetra. Për 300 milionë abuzim të dyshuar në Ministrinë e Bujqësisë, as Prokuroria e Përgjithshme, as Prokuroria e Tiranës nuk hedhin një hap të vetëm. Nuk fillojnë minimalisht verifikimin për të parë dokumentacionin, mënyrën sesi është tenderuar, zërat dhe pse janë përjashtuar kompani të tjera. Një aferë që duket e fortë korruptive.

Ndoshta me 300 milion mund të blesh komisionin, mund të blesh ministrin, mund të blesh edhe Prokurorinë. Por, fakti është fakt APP e ka publikuar. Ministria e Bujqësisë ka shpallur fitues atë që ka ofruar 300 milionë më shumë, ndërsa prokuroria nuk ka sy të shohë dhe të lexojë dhe as veshë të dëgjojë./ CNA.al

Ministri i RamÃ«s abuzim 300 milionÃ«sh/ Prokuroria hesht pÃ«r skandalin

Thellohet skandali i Bledi Ã?uÃ§it/ Tender 1.5 miliardÃ« pÃ«r 2 muaj punime

Skandal nÃ« MinistrinÃ« e BujqÃ«sisÃ«/ Tenderin e fiton firma qÃ« ofroi 300 milionÃ« mÃ« shumÃ«