web counter
LEXO PA REKLAMA!

SHKARKO APP

App Store
Google Play

Deklarata bombë e Presidentit / Petrit Vasili nxjerr gënjeshtar Gazmend Bardhin

9 Shtator 2019, 16:53, Aktualitet CNA

Paraditen e sotme presidenti Ilir Meta doli përpara Komisionit parlamentar të Hetimit për të dhenë shpjegime lidhur me arësyen e nxjerrjes së dekretit që anullonte mbajtjen e zgjedhjeve vendore në datën 30 qershor.

Gjatë përgjigjes, ndër të tjera, Presidenti  deklaroi dhe faktin se e kishte nxjerrë dekretin anullues pasi kishte të dhena të besueshme që segmente të përfshira në protestën e opozitës do të ndërmerrnin aktin e djegies së Kuvendit etj.

Ndërkohë kjo deklaratë bombë e Presidentit ka sjellë dy dëshmi të ndryshme të dy sekretarëve të dy partive kryesore opozitare, përkatësisht PD-së dhe LSI-së.

I prononcuar rreth vërtetësisë se këtij fakti, sekretari i PD-së, Gazmend Bardhi, e ka mohuar deklaratën e Ilir Metës, ndërkohë që homologu i tij i LSI-së, Petrit Vasili e pohon atë. Madje duke futur në vallen e dëshmitarëve okularë dhe vetë Gazmend Bardhin, i cili, i ballafaquar me të vërtetën e pohimit të Vasilit del të jetë gënjeshtar.

Sepse i prononcuar për TV “News 24”, Petrit Vasili ka dëshmuar se ka qenë pikërisht me Gazmend Bardhin, kur ka parë një grup të dyshimtë njerëzish, që mund të digjnin edhe Kuvendin.

? Veprimi i Presidentit ishte shumë i matur. Bëhej fjalë për gjëra shumë të rënda, siç mund të ishte dhe djegia e Parlamentit. Isha bashkë me Gaz Bardhin, kur pamë një grup personash, që nuk e di të kujt ishin. Kishte provokatorë të shumtë. Ishte një klimë e tensionuar, sepse qeveria kishte qëllimin vetëm të bënte zgjedhje dhe t?ia linte fajin opozitës?, tha Petrit Vasili për News 24, duke përgënjeshtruar deklaratën e Gazmend Bardhit./ CNA.al





Lajmet e fundit nga