web counter
LEXO PA REKLAMA!

SHKARKO APP

Shkarkimi i Metës/ Balla pret delegacionin e Venecias

10 Shtator 2019, 13:23, Politikë CNA

Delegacioni i Komisionit të Venecias nisi sot takimet me drejtuesit më të lartë të institucioneve më të larta shqiptare pas nismës së shumicës për të shkarkuar nga detyra Presidentin Ilir Meta.

Takimet kanë nisur mëngjesin e sotëm me përfaqësuesit e opozitës jashtë parlamentit, Oerd Bylykbashin dhe Klajda Gjosha. Më pas delegacioni i këtij komisioni nisi takimet me institucionet më të larta në vend, Presidentin Ilir Meta, kryetarin e Kuvendit, Gramoz Ruçin, kryetarin e grupit parlamentar të PS-së, Taulant Ballën dhe opozitën parlamentare.

Ndërkohë, Balla në një postim në rrjetet sociale, ka reaguar pas takimit me ekspertët e Komisionit të Venecias.

?Mirënjohës Komisionit te Venecias për gatishmërinë për të dhënë mendimin e tyre në Parlamentin shqiptar.

Një procedurë hetimi për Presidentin po vijon për dyshimet e shkeljes së rëndë dhe arbitrare të Kushtetutës?, shkruan Balla.

Takimet do të vijojnë më pas me kryeministrin Edi Rama, ministrin e Brendshëm Sandër Lleshaj, përfaqësues të KQZ dhe anëtaren e vetme të Gjykatës Kushtetuese, Vitore Tusha.





Lajmet e fundit nga