web counter
LEXO PA REKLAMA!

SHKARKO APP

App Store
Google Play

Kriza nuk zgjidhet me pazare/ Patozi “shuplakë” politikës

10 Shtator 2019, 09:11, Politikë CNA

Koordinatori i ?Bindjes Demokratike?, Astrit Patozi i ka dhënë një ?shuplakë? të fortë klasës politike, ndërsa theksoi se kriza nuk zgjidhet me pazare.

Në një intervistë për Vizion Plus, Patozi tha se largimi i Metës nuk i jep fund kësaj krize politike.  Sipas tij e vetmja mënyrë që të dalim nga kjo gjendje në të cilën ndodhet vendi janë zgjedhjet e parakohshme pas ndryshimeve në reformën zgjedhore.

Sa i takon dëshmisë së presidentit Meta në Komisionin Hetimor Parlamentar, Patozi tha se ?E vetmja befasi sot ishte etika që palët shfaqën ndaj njëri tjetrit dhe me thënë të drejtën mua nuk më pëlqen shumë pasi kam parasysh se është i njëjti president e njëjta mazhorancë e cila shkumëzoi gjatë periudhës së verës dhe sidomos gjatë fushatës elektorale dhe nuk është më një shenjë e mirë, sepse kam përshtypjen se dëmet më të mëdha të këtij vendi  i shkaktohen kur palët vendosin që të bëjnë Pazar dhe jo kur palët janë emocionalë dhe e çojnë konfliktin deri në ekstrem.?

Gjithashtu ai theksoi se dukej sikur ose jemi para një pazari ose politika është aq hipokrite saqë përpiqej që të tregojë atë që në fakt nuk është.

?Në të dy rastet  unë them se do të ishte një humbje për publikun të mos harrojmë se mazhoranca dhe presidenti e kanë çuar në zgrip konfliktin midis tyre dhe unë këtë e konsideroj si fundin e shtetit në një farë mënyrë dhe kjo nuk mund të zgjidhet as me Pazar dhe as me shkarkimin e Ilir Metës në këtë rast.?-deklaroi Astrit Patozi./ CNA.al





Lajmet e fundit nga