E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Skandali i Prokurorisë së Përgjithshme/ Hesht për zhvatjen e 300 milion lekëve nga Ministria e Bujqësisë

4 Shtator 2019, 16:33, Kronika CNA

Prej dy ditësh CNA.al ka raportuar një skandal ku është përfshirë Ministrisë e Bujqësisë.

Bëhet fjalë për të tender zhvilluar nga Ministria e Bujqësisë, ku fitues ishte shpallur firma e cila ishte ofertuesja me vlerën me të lartë, gati 300 milionë lekë më shumë sesa ofertuesja e parë.

Pavarësisht fakteve që janë ofruar dhe publikuar Prokuroria e Përgjithshme dhe Arta Marku, heshtin në vend që të urdhërojë nisjen e hetimeve (ex officio), pra sipas detyrës zyrtare.

Nga provat që ka publikuar CNA.al, (lexo këtu), ngrihen dyshime se ka pasur një aferë të fortë korruptive dhe tenderi është i paravendosur, çka e thellon më tej skandalin.

Ndërkohë që po arrestohen 50 administratorë kompanish për faturat fiktive të TVSH-së, për këtë skandal heshtet.

Nuk ka asnjë lëvizje, asnjë hetim, asnjë veprim, ndaj Ministrit të Ramës, Bledi Çuçi.

Të paktën në dy raste së fundmi ka nga zyra e Arta Markut kanë dalë shkresa drejtuar Prokurorisë së Tiranës për nisjen hetimesh, ndërsa për këtë rast ajo ka heshtur.

Përse Arta Marku, nuk vepron edhe për këto abuzime si në rastin e Kajmakut dhe Pjetrit? Një situatë e tillë dëshmon, se Prokuroria e Përgjithshme vepron me dy standarte, në të kundërtën kjo s ‘do të ndodhte.

CNA.al që prej dy ditësh po publikon tenderin 1.6 miliardë lekësh, (lexo këtu) fituar në vlerën më të lartë, ndërsa diferenca nga i pari tek i fundit është 300 milion.

Koha e përdorimit të fondeve, vetëm dy muaj, kohë vjeshte me shi, pra një investim në përrua dhe prokuroria nuk hedh asnjë hap, po fle.

Çka hedh dyshime të forta se edhe Prokuroria e Përgjithshme edhe pse po bëhet refroma në drejtësi, duket se është klienteliste.

Bën veprime vetëm më urdhër të Qeverisë dhe mesa duket i përgjigjet vetëm propagandave të Qeverisë.

Sepse, shuma e parave nga abuzimet e Ministrisë së Bujqësisë duken që të jenë shumë herë më të mëdha se sa fondet e pretenduara të kaluara në mënyrë fiktive nga administratorët e firmave të ndërtimit, që janë arrestuar këto dy ditë.
Ndërkohë në Ministrinë e Bujqësisë numërohen me gishta personat përgjegjës për shuma dhe vlera abuzive nga taksat e shqiptarëve./CNA.al