web counter
LEXO PA REKLAMA!

SHKARKO APP

App Store
Google Play

Skema e mashtrimit me TVSH/ Zbardhen të tjera detaje, zbulohen 5 kompani fantazmë

5 Shtator 2019, 07:12, Kronika CNA

Ditën e djeshme, CNA.al raportoi se Prokuroria e Tiranës në bashkëpunim me Sektorin e Hetimit për Krimin  Ekonomik në Policinë e Shtetit  ka një operacion të gjërë në kuadër të luftës ndaj evazionit fiskal. Në kuadër të këtij operacioni, burime për CNA.al bënë të ditur se 50 administratorë kompanish të firmave të ndërtimit janë shoqëruar, pas lëshimit të urdhrit nga Prokuroria e Shkallës së Parë Tiranë.

Por, ndërkohë sot ?Shqiptarja.com? ka zbardhur të tjera detaje nga ky opercion, nga ku u zbulua një skemë mashtrimi me TVSH nga bizneset që operojnë kryesisht në biznesin e ndërtimit dhe policisë private.

Gazetari i Report Tv, Arsen Rusta raporton se nga kjo skemë të arrestuarit kanë bërë 4 milion euro dëm me faturat tatimore, si dhe janë nxjerrë nga Prokuroria 20 urdhra ndalimi për personat e përfshirë. Referuar po të njëjtave burimeve, nga ky operacion janë zbuluar 5 kompani fantazmë, ku mësohet se përveç blerësve janë ndaluar edhe biznesmenë.

Në fillim kishte 50 të shoqëruar, por pas verifikimeve në pranga kanë rënë 17 prej tyre. Aksioni për arrestimin e tyre po vijon prej dy ditësh dhe ende po kërkohen persona të tjerë. Ky operacion vjen në kuadër të aksionit anti-informalitet që është shtrirë në të gjithë vendin dhe ka sjellë arrestime e bllokime të qindra bizneseve që janë kapur me shkelje.

Në kuadër të këtij aksioni, vetëm disa ditë më parë, u arrestuan 4 bashkëpronarë të kompanive të transportit publik dhe 4 punonjës, pasi përdornin bileta të falsifikuara në mënyrë që t’i shmangeshin detyrimeve tatimore.

Sipas Report tv, të arrestuarit janë: Besnik Pelivani, Astrit Lala, Shpresa Joanidhi, Fatmir Firi, Paqsor Buzi, Vangjush Mbirce, Rabi Kurti, Riza Roshi, Haxhi Sala, Ilia Dimo, Ardian Bejko, Mhill Ndreca, Rrapo Baduni, Albert Ahmeti, Shkëlqim Prodani.





Lajmet e fundit nga