web counter
LEXO PA REKLAMA!

SHKARKO APP

Sulmi ndaj turistëve spanjollë/ Reagon Rama: Barbari që na turpëroi

16 Gusht 2019, 20:00, Politikë CNA

Kryeministri Rama ka reaguar përmes një postimi në rrjetet sociale lidhur me ngjarjen e një dite më parë në Borsh ku një grup turistësh spanjollë u sulmuan nga pronari i një lokali.

Rama e quan barbar pronarin e lokalit, ndërsa uron që ai mos i shpëtojë duarve të drejtësisë.

Reagimi i plotë

?Barbari që goditi miqtë spanjollë, shkeli mbi kodin e shenjtë të mikpritjes shqiptare, duke na turpëruar te gjithëve.

Mikpritja është fuqia më e pakonkurrueshme e turizmit shqiptar, e cila mbreson të gjithë të huajve që na vizitojnë dhe përtej defekteve, mungesave e sjelljeve jo gjithnjë të dëshiruara në shërbimet tona turistike, që me kohën e me eksperiencën do të fashiten, agresioni i mbrëmshëm është një njollë turpi për të mos u harruar kurrë.

Miqve spanjollë i kemi kërkuar qysh në momentin e parë, ndjesat tona dhe ata do të rikthehen përsëri. Ndërsa barbari uroj të mos i shpëtojë dot duarve të drejtësisë.?/CNA.al

 





Lajmet e fundit nga