web counter
LEXO PA REKLAMA!

SHKARKO APP

App Store
Google Play

“Kjo është e patolerueshme”/ Rama reagon pas dorëheqjes së Pjetrit

16 Gusht 2019, 08:42, Politikë CNA

Kryeministri Edi Rama ka reaguar pas vendimit të Valdrin Pjetrit për të dhënë dorëheqjen si kryebashkiak i Shkodrës, ende pa bërë betimin.

Në një postim në rrjetet sociale, Rama shkruan se Valdrin Pjetri nuk është kriminel, por sipas tij fshehja e ngjarjes është e patolerueshme dhe pasojat për Shkodrën të pajustifikueshme.

Më tej, Rama shkruan se ?Koha të fusim në ligj afate verifikimi shtetëror të kandidaturave para regjistrimit të tyre në zgjedhje! Një kandidat që gënjen në mirëbesim dhe në formularin e vetëdeklarimit s?mund të lerë në baltë zgjedhësit dhe partinë që e ka besuar. Ai duhet të përjashtohet nga gara pa mundur të regjistrohet në zgjedhje dhe ta marrë të plotë gjithë përgjegjësinë e vetëdeklarimit të rremë.?

Reagimi i plotë i Ramës:

Valdrin Pjetri nuk është kriminel! Ai ka shërbyer në administratë si nëpunës korrekt qysh në kohën e qeverisjes së PD. Çfarëdo të ketë bërë 19 vjeç nuk e bën kurrësesi njeriun një kriminel! Por fshehja e ngjarjes është e patolerueshme dhe pasojat për Shkodrën të pajustifikueshme! Partitë nuk verifikojnë dot të dhëna individuale jashtë afateve të përcaktuara nga shtetet për dëshminë e penalitetit. Ato merren vetëm me kërkesë nga policia ose prokuroria. Koha të fusim në ligj afate verifikimi shtetëror të kandidaturave para regjistrimit të tyre në zgjedhje! Një kandidat që gënjen në mirëbesim dhe në formularin e vetëdeklarimit s?mund të lerë në baltë zgjedhësit dhe partinë që e ka besuar. Ai duhet të përjashtohet nga gara pa mundur të regjistrohet në zgjedhje dhe ta marrë të plotë gjithë përgjegjësinë e vetëdeklarimit të rremë. Jo vetëm kaq,po është koha të nisë verifikimi shtetëror i të gjitha vetëdeklarimeve të politikanëve e punonjësve të shtetit që kanë firmosur.Çdo vetëdeklarim i rremë duhet të sjellë përjashtim dhe dënim penal.Përgjegjësia individuale s?mund të ketë më asnjë fije kosto kolektive”, shkruan Rama./ CNA.al





Lajmet e fundit nga