Akuzat për dënimin në Itali/ Valdrin Pjetri merr vendimin e papritur

15 Gusht 2019, 14:15, Politikë CNA

Valdrin Pjetri, i cili u zgjodh si kryetar i Bashkisë së Shkodrës, në zgjedhjet vendore të 30 qershorit 2019, ka dhënë sot dorëheqjen pas akuza të ngritura nga PD, për një dënim në Itali.

Kujtojmë këtu se disa ditë më parë, Partia Demokratike i drejtoi Prokurorisë dokumentet për dënimin e Valdrin Pjetrit, për trafik droge në Itali.

Në letrën që mban firmën e Sekretarit të Përgjithshëm, Gazment Bardhi, i kërkohet Prokurorisë që ta mbajë të informuar mbi procedurat e verifikimit që ka nisur për Pjetrin dhe rezultatet e deri tanishme të këtij verifikimi.

Ndërkohë sot, Pjetri ka marrë vendimin e papritur, duke dhënë dorëheqjen nga detyra e kryebashkiakut të Shkodrës.

Deklarata e Plotë e Pjetrit:

Të dashur miq, bashkëqytetar, votues të Bashkisë Shkodër, anëtarë të PS, bashkëpunëtorë të mi….

Ditët e fundit jam gjendur në mes të një stuhie mediatike ku akuzat dhe thashethemet i zunë vendin fakteve dhe të vërtetës.

Një ngjarje krejt banale e ndodhur në mes të shokëve të mi bashkëstudent, në të cilën unë nuk kam asnjë faj e përgjegjësi e nuk i kisha kushtuar rëndësi, 17 vjet më parë në moshën 20 vjeçare, u nxor nga konteksti dhe rreth saj u ngritën akuza e linçime përtej çdo skrupulli moral e njerëzor.

Nuk e kisha menduar kurrë që një ditë do të gjendesha përballë akuzave të tilla. Dhe sado i bindur të jem në pafajsinë ligjore dhe pastërtinë morale të personit tim, me keqardhje ju rrëfej se të tilla shpifje kanë shkaktuar dhimbje të mëdha te unë e familja ime dhe se unë kurrë nuk kam qënë pjesë e kësaj kategorie për të cilën sot akuzohem.

Në këto kushte, vëmendja dhe energjitë e mia do të përqendrohen tanimë tërësisht në zgjidhjen dhe sqarimin ligjor të kësaj ngjarje të 17 viteve më parë, ngjarje për të cilën në dijeninë time nuk kam pasur asnjë përgjegjësi ligjore në atë kohë.

I ndërgjegjshëm për rëndësinë e imazhit politik dhe i vendosur që këtë sqarim ligjor t?a ndërmarr në pozitat e qytetarit të thjeshtë, pa iu bërë barrë askujt, vendos të dorëhiqem nga marrja e detyrës së Kryetarit të Bashkisë Shkodër.

Ju jam mirënjohës të gjithëve për ndihmën dhe mbështetjen që më dhatë në fushatë!

Ishte një endërr e bukur t?i jepnim Shkodrës atë çka meriton. Por fatet e një qyteti nuk duhen të jenë kurrë të lidhura pashmangshmërisht me fatet e një individi, cilido qoftë ai.

Së fundi, ju jam pafundësisht mirënjohës të gjithë atyre që më kanë mbështetur apo dërguar mesazhe solidariteti në këto ditë të vështira për mua.

Ju uroj me gjithë shpirt më të mirën për Ju dhe familjen Tuaj !/ CNA.al

Basha e ka mbrojtur Valdrin Pjetrin/ Jozefina Topalli zbardh faktet

Lidhjet e Valdrin Pjetrit me PD-nÃ« dhe BashÃ«n

Dokumenti/ PD i kÃ«rkon ProkurorisÃ« informacion pÃ«r Valdrin Pjetrin