web counter
LEXO PA REKLAMA!

SHKARKO APP

App Store
Google Play

E fundit!

x

"Valdrin Pjetri është i dënuar të presë fatin e tij, nga karrikja e kryetarit të Bashkisë Shkodër"

14 Gusht 2019, 07:31, Aktualitet CNA

Voltana Ademi tashmë që datës 10 Gusht e ka përfunduar mandatin e vet.

Zgjedhjet janë zhvilluar dhe nga ato zgjedhje ka dalë, kryetari i ri Bashkisë Valdrin Pjetri dhe Këshilli Bashkiak që konstituohet në çdo rast pavarësisht fatit të kryetarit te Bashkisë.

Çështja Valdrin Pjetri, sot e tutje nuk është më çështje e Kodit zgjedhor dhe as e Komisionit Qëndror të Zgjedhjeve. KQZ dhe Kodi Zgjedhor e kanë përfunduar detyrën e tyre për këto zgjedhje.

Sot kjo është çështje e Ligjit të Dekriminalizimit.

Por që Ligji i Dekriminalizimit të funksionojë, duhet që në Shkodër të përfundojë konstituimi i Këshillit Bashkiak të Shkodrës. Valdrin Pjetri sot ka detyrimin dhe duhet të betohet si kryetari i ri.

Nese kjo nuk ndodh, Rama duhet të deklarojë vullnetin për ribërjen e zgjedhjeve, jo në Shkodër, por në të gjithë Shqipërinë.

E vetmja rrugë që i ka lënë Ramës, Valdrin Pjetri ështe që kryeministri të kërkojë me urgjencë nga Prokuroria që procesi të nisë dhe të ecë shpejt. Por që prokuroria të nisë të veprojë, Valdrin Pjetri duhet të ulet qoftë edhe për një ore në karrigen e kryetarit të Bashkisë, Shkodër.

Në këtë histori ose është tallur Valdrin Pjetri me gjithë Shqipërinë, ose është tallur Rama me gjithë shqiptarët.

Sot, Ligji i Dekriminalizimit duhet lënë të veprojë dhe nëse Prokuroria konstaton papajtueshmëri, atëherë futen në funksionim të gjitha dispozitat e lidhura me papajtueshmërinë e ushtrimit të funksionit.

Ligji parashikon që në rast papajtueshmerie, (si rasti i pretenduar për zotërinë nga Shkodra):

– Këshilli i Ministrave, vendos shkarkimin;

– i shkarkuari i drejtohet Gjykatës Kushtetuese dhe

– pas vendimit të Gjykates Kushtetuese, Presidenti ka detyrimin Kushtetues që të dekretojë zgjedhjet e pjesshme për kryetar Bashkie në Shkodër.

Në këtë histori mund të ketë vetem dy opsione:

Ose Valdrin Pjetri është i pafajshëm dhe si i tillë duhet të betohet si kryetar i Bashkisë Shkodër, të drejtojë Bashkinë për katër vjet dhe të ndjekë fatin e vet në politikë.

Valdrin Pjetri është vërtet nje trafikant dhe si të tillë Rama duhet ta bëjë shembull. Dhe që ta bëje shembull, Valdrin Pjetri duhet të betohet si kryetar i Bashkisë, Shkodër dhe të ndjekë fatin e vet siç shkruhet në Ligjin për Dekriminalizimin.

Në çdo rast, fatin e vet, zoti Pjetri, duhet ta presë nga karrigia e kryetarit të Bashkisë Shkodër.

Nëse sot Valdrin Pjetri “nuk lejohet” të ulet në karrigen e kryetarit të Bashkisë Shkoder, ai në fakt thjesht po shpëtohet nga veprimi i Ligjit të Dekriminalizimit.

Kjo në gjuhën e popullit është të shesësh sapunin për djathë.

Duhet vetëm të rrimë e të shohim. Rama do jete i vetëm në mbrojtje të Valdrinit, apo edhe Luli do jetë dakord me te?

Për ta mbrojtur duhet vetëm të bien dakord, që Valdrini nuk duhet të ulet asnjë sekondë në karrigen e kryetarit të Bashkisë, Shkodër./CNA.al





Lajmet e fundit nga