E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Frontex/ Njoftime për shkelje të të drejtave të njeriut

6 Gusht 2019, 08:52, Kronika CNA

Sipas disa njoftimeve Agjencia kufitare e BE-së Frontex, duhet të ketë mbylllur sytë ndaj shkeljes së të drejtave të njeriut prej nëpunësve në vendet përkatëse. Po ashtu edhe vet Frontex njoftohet të ketë kryer shkelje.

Në zyrën e shtypit të agjencisë europiane për mbrojtjen e kufijve, Frontex, situata ishte mjaft kaotike. Kjo zyrë po përgatit një prononcim, lidhur me njotimet e fundit, tha zëdhënsja e Frontex-it n Varshavë, Izabella Cooper, gjatë një telefonate të shkurtër. Deklarata përmbante një gjysmë përgënjeshtrimi të akuzave, të bëra publike nga Bayerische Rundfunk në Gjermani dhe gazeta britanike “Guardian”. Punonjës të mbrojtjes kufitare, që janë direkt në varësi të Frontex-it, nuk janë përfshirë në eksese dhune ose në procedura të jashtëligjshme për dëbimet në kufijtë e jashtëm të BE-së, thuhet në deklaratën e agjencisë për mbrojtjen kufitare. Për nëpunësit vendas, si p.sh. në kufijtë e jashtëm të BE-së në Hungari apo në Bullgari, të cilët dëbojnë migrantët duke shkelur ligjet përkatëse, nuk është përgjegjës Frontex-i.

Zëdhënsja e Komisionit të BE-së në Bruksel, Mina Andreeva, tha se është e rëndësishme që të bëhet dallimi mes nëpunësve kombëtarë të mbrojtjes kufitare dhe Frontex-it.

Komisioni i BE-së do t’i verifikojë akuzat

Media gjermane Bayerische Rundfunk dhe gazeta britanike “Guardian” iu referohen informacioneve të brendshme të Frontex-it, ku përshkruhet, se si punonjësit e kufirit nga Hungaria, Bullgaria apo Greqia i godasin refugjatët dhe migrantët, i ndjekin ata me qen nëpër pyll për t’i kthyer ilegalisht në kufirin që sapo e kanë kaluar. Zëdhënësja e Komisionit konfirmoi ekzistencën e dokumentave të brendshme.”Ka informacione, që iu paraqitën këshillit të menaxhimit të agjensisë. Kjo tregon, se ka një mekanizëm, për të mbikqyrur, nëse dhe si repsketohen të drejtat e njeriut gjatë të gjitha aktiviteteve të Frontex-it “, tha Mina Andreeva.

Vërtetë që brenda autoritetit të Frontex-it ka një të ngarkuar për të drejtat e njeriut. Të gjithë mbrojtësit e kufirit i nënshtrohen detyrimit për të raportuar, në rast se vëzhgojnë shkelje të të drejtave të njeriut, deklaroi zëdhënësja e agjensisë kufitare në Varshavë. Por kjo agjenci i hodhi poshtë ?kategorikisht” akuzat, se punonjësit e Frontex-it gjatë fluturimeve për dëbimin e migrantëve shkelin të drejtat e njeriut. ?Çdo formë e dhunës ose e keqtrajtimit të refugjatëve apo migratëve është e papranueshme. Ne do t’i verifikojmë tani këto akuza me mbrojtjen kufitare të BE-së dhe do të reagojmë konform”, deklaroi zëdhënsja e Komisionit të BE-së, Andreeva.

Frontex i hedh poshtë në prononcimin e vet këto akuza duke tërhequr vëmendjen, se misioni i tij në vendet anëtare është vetëm konsulenca në kufi. Vendimet sovrane nuk mund të merren prej mbrojtësve kufitar të BE-së. Shumë prej tyre janë vetëm personel ?i huazuar”. Aktualisht p.sh. janë aktiv në Greqi 105 punonjës gjermanë të kufirit nën mandatin e Frontex-it. Autoriteti i mbrojtjes kufitare të BE-së, që ka ndërkohë rreth 1500 punonjës, nuk ka ?autoritet ndaj qendrimit të policëve kufitar kombëtar dhe nuk ka as mandat të plotfuqishëm veprimi për të kryer hetime në territorin e vendeve anëtare të BE-së”.

Frontex-i prej disa vitesh ka një forum konsultativ, në të cilin janë të përfaqësuar organizatat e refugjatëve Kryqi i Kuq dhe OKB. Stefan Keßler, kryetari i këtij forumi të Frontex-it i tha DW-së, se ai nuk habitet për njoftimet mbi shkelje të të drejtave të njeriut, por për të është befasues informacioni, që tani akuzohen direkt punonjës të Frontex-it. “Frontex-i mund të bëjë më shumë, ve?anërisht që të hulumtojë më intensivisht shkeljet e të drejtave të njeriut”, mendon Stefan Keßler.

Frontex-i i pyetur nga DW vuri në dukje, se deri tani ende nuk ka ndonjë ankesë ndaj punonjësve të Frontex-it gjatë angazhimit të tyre në kufi. E madje kjo edhe pse një ankesë fare thjeshtë mund të ngrihet në faqen e internetit të Frontex-it.

?Autoriteti Europian i Mbrojtjes Kufitare dhe Truproja Bregdetare”, sikurse do të jetë emri i ri i Frontex-it, vitet e ardhëshme do të zgjerohet masivisht. Deri në vitin 2027 do të jenë në gatishmëri për veprim 10.000 punonjës kufiri si ?rezervë e përhershme”, që mund të kërkohen prej vendeve anëtare. Presidentja e re e Komisionit të BE-së, Ursula von der Leyen, do që gatishmëria për veprim e këtij autoriteti të realizohet që në vitin 2024. Financimi dhe mandati i saktë për këtë autoritet vazhdojnë të jenë të diskutueshme ndër vendet anëtare të BE-së, të cilët kanë kontrollin./DW