web counter
LEXO PA REKLAMA!

SHKARKO APP

App Store
Google Play

E fundit!

x

Kaos në drejtësi/ Edhe në Shtator pa Gjykatë Kushtetuese

5 Gusht 2019, 10:24, Kronika CNA

Nga të dhënat zyrtare të faqes së Këshillit të Emërimeve në Drejtësi, deri më tani KED ka renditur këto kandidatura:

1 ? Arta Vorpsi, Besnik Muçi, Regleta Panajoti, Elsa Toska (për vendin vakant të shpallur nga Presidenti më 7 shkurt të 2018);

2 ? Besnik Muçi dhe Regleta Panajoti (për vakancën e parakohshme të shpallur nga Presidenti më 7 shkurt 2018);

3 ? Arta Vorpsi, Besnik Muçi, Elsa Toska (për vendin vakant të shpallur nga Kuvendi më 12 shkurt 2018);

4 ? Për vakancën e 28 gushtit të 2018, (nuk u miratua asnjë kandidat);

5 ? Arta Vorpsi, Fiona Papajorgji dhe Elsa Toska (për vendin vakant të shpallur nga Kuvendi më 4 mars 2019);

6 ? Arta Vorpsi, Fiona Papajorgji dhe Elsa Toska (për vendin vakant të shpallur nga Kuvendi më 4 mars 2019).

Sipas këtyre “listave”, që në fakt janë vetëm një listë që përsëritet disa herë, mund të jemi absolutisht të sigurtë që në Shtator, Gjykata Kushtetuese mund të shtohet me vetëm një ose dy anëtarë.

Sipas radhës, i takon Presidentit të Republikës të zgjedhë një nga emrat e listës prej 4 kandidaturash për njerin nga vendet e shpallura me  7 shkurt.

Nëse Presidenti zgjedh kandidaturën e Besnik Muçit, Kuvendi mund të vijojë me zgjedhjen e njërës prej kandidaturave të shpallura në 4 Mars, por jo me vendin bosh të shpallur në 12 Shkurt, pasi pas zgjedhjes së Presidentit, lista e shpalljes së 12 shkurtit reduktohet në dy. Kandidaturat duhet të jenë tre.

Nëse Presidenti zgjedh një nga kandidatet femra, asnjë nga listat e tjera nuk mund të vijojë shqyrtimin nga Kuvendi, pasi të gjitha listat mbeten me nga 2 kandidatura.

Siç CNA.al ka analizuar edhe më parë, Gjykata Kushtetuese, nuk mund të fillojë të funksionojë së shpejti.

Ajo që po përpiqemi të kuptojmë është, nëse këtë arsyetim të thjeshtë, arrijnë dot ta bëjnë Dvorani, Manja dhe ndonjë tjetër, kur thonë që në Shtator do fillojë funksionimin Gjykata Kushtetuese.

Qq pas Shatorit praktikisht përveç zonjës Vitore Tusha do të shtohet edhe një ose dy persona të tjerë, që do paguhen 400.000 lekë të reja në muaj duke mos bërë asgjë. Kujtojmë qe prej 1 Janarit 2019 kjo eshtë paga e re e gjyqtarëve të Gjykatës Kushtetuese./CNA.al





Lajmet e fundit nga