web counter
LEXO PA REKLAMA!

SHKARKO APP

App Store
Google Play

Vrau pronarin e marketit në Kamëz/ Gjykata jep dënimin për autorin

5 Gusht 2019, 08:16, Kronika CNA

Gjykata ka caktuar masën burgim i përjetshëm për autorin e vrasjes së pronarit të marketit, që ndodhi në prill të 2018 në Kamëz.

Vladimir Kurti shkoi për të grabitur xhiron ditore të marketit të Agim Bucit, por më pas vrau edhe pronarin pasi ky i fundit i bëri rezistencë.

Gjykata e Tiranës ka dënuar me 26 vite burg edhe bashkëpunëtorin e tij, Ruxhi Hoda.

Para se të futeshin në dyqan, Vladimir ka nxjerrë pistoletën, ndërsa Rrushdiu thikën duke u futur në dyqan. Vladimiri është afruar tek kasa për të marrë lekët, aty ndodhej edhe fëmija i Agim Bucit. Autorët qëlluan Agim Bucin dhe gruan e tij. Pas ngjarjes autorët u larguan me vrap, ndërsa kanë marrë makinën duke u larguar në drejtim të Bovillës duke hedhur maskat.

Pas ngjarjes ata u shoqëruan nga policia, por më pas u liruan. Policia u ngriti një kurth pas shoqërimit, Kurti dhe Hoda u liruan dhe gjatë bisedës telefonike të përgjuar ndërmjet, 28-vjeçari i thotë mikut të tij Hoda??i fshehe ato se, mua më morën në pyetje??. Disa minuta më pas të dy u arrestuan nga policia. Vladimir Kurti është një person me precedent penal, pasi më parë është dënuar për vjedhje./CNA.al





Lajmet e fundit nga