web counter
LEXO PA REKLAMA!

SHKARKO APP

App Store
Google Play

I vuri flakën Range Roverit në Sarandë/ Prangoset 25 vjeçari

4 Gusht 2019, 09:40, Kronika CNA

Policia ka arrestuar sot një person i cili dyshohet të jetë autori i djegies së një makine në Sarandë. Ngjarja ka ndodhur dy ditë më parë ndërsa policia ka kapur sot autorin e dyshuar si zjarrëvënës.

Policia njofton se i arrestuari është Y.K., 25 vjeç, banues në fshatin Toç, Tepelenë.

25 vjeçari nga Tepelena dyshohet se për motive të dobëta, i ka vënë zjarrin me lëndë djegëse automjetit në pronësi të shtetasit Q.Gj.

Njoftimi i policisë

Sarandë

Policia zbardh ngjarjen e djegies së automjetit dy ditë më parë. Arrestohet nga policia autori i dyshuar.

Kapet dhe ndalohet edhe një person i shpallur në kërkim për trafikim të narkotikëve.

Specialistët e Krimeve pranë Komisariatit të Policisë Sarandë, pas hetimeve të kryera në lidhje me djegien e automjetit Range Rover në lagjen nr.4, më datë 02.08.2019, kanë bërë të mundur identifikimin dhe kapjen e autorit të dyshuar, shtetasin Y. K., 25 vjeç, banues në fshatin Toç, Tepelenë.

25 vjeçari nga Tepelena dyshohet se për motive të dobëta, i ka vënë zjarrin me lëndë djegëse automjetit në pronësi të shtetasit Q.Gj.

Materialet iu referuan Prokurorisë në ngarkim të tij për veprën penale “Shkatërrimi i pronës me zjarr”.

Policia ka bërë ndalimin e shtetasit të shpallur në kërkim D. A., 32 vjeç, banues në Shkodër. Ndalimi i tij u bë pasi Gjykata e Rrethit Gjyqësor Sarandë ka caktuar masën e sigurisë “Arrest në burg” për veprën penale “Prodhimi dhe shitja e narkotikëve” e kryer në bashkëpunim.

32 vjeçari dyshohet të jetë një nga bashkëpunëtorët në lidhje me ngjarjen e datës 01.04.2019, ku janë sekuestruar rreth 22 kilogramë kanabis në Konispol dhe janë vënë në pranga 3 shtetas të tjerë./CNA.al





Lajmet e fundit nga