web counter
LEXO PA REKLAMA!

SHKARKO APP

Atentati në Vlorë/ Ndërron jetë biznesmeni, me gjashtë plumba në trup

5 Gusht 2019, 06:08, Kronika CNA

Arben Beqiraj biznesmeni i cili u plagos pasditen e djeshme në plazhin e Vlorës ka ndërruar jetë.

Beqiraj u plagos në lokalin e tij,  nga një sulm me armë bashkë me Egert Beqiraj dhe Nesim Hodaj të cilët janë jashtë rrezikut për jetën

Sipas Report Tv, viktima ka ndërruar jetë rreth orës 01:00 pas mesnate në spitalin e Vlorës.

Ai kishte në trup 6 plumba, në pjesën e barkut, në duar dhe në këmbë. Një prej plumbave e ka kapur Arben Beqirajn në pjesën e kraharorit duke i shkaktuar atij plagë të rënda. Kjo ka bërë që ai të humbasë jetën.

Dy persona të dyshuar si autorë të kësaj ngjarjeje janë larguar në drejtim të Pyllit të Sodës.

Deri më tani mësohet se janë shoqëruar rreth 20 persona të cilët kanë qenë të pranishëm në vendin e ngjarjes.

Dy autorët e identifikuar, me iniciale SH.L dhe E.XH janë konfliktuar fillimisht me fjalë me pronarin e lokalit, ndërsa më pas janë përdorur grushtet nga të dyja palët.

Pas konfliktit fizik dy autorët kanë shkuar tek makinat e tyre të parkuara jashtë lokalit nga ku kanë marrë një kallashnikov dhe një pistoletë me të cilat kanë qëlluar drejt Beqirajt, djalit dhe nipit të tij./CNA.al





Lajmet e fundit nga