E fundit!

08:20 Aktualitet

Seancë e ngarkuar në Kuvend/ Shqyrtohen sot 24 pika të rendit të ditës

Kuvendi i Shqipërisë mblidhet këtë të enjte më 16 korrik, ...

ILD po i dorëzohet Soros-it/ Zbardhet e kaluara e errët e Artur Metanit

1 Gusht 2019, 07:44, Politikë CNA

Këshilli i Emërimeve në Drejtësi, një ditë më parë publikoi emrat e kandidatëve për Inspektoriatin e Lartë të Drejtësisë.

Një nga emrat ishte edhe Avokati i Përgjithshëm i Shtetit Artur Metani. Kandidimi Metanit për ILD-në, duket se nuk ka qenë i rastësishëm.

E shkuara e Metanit dhe lidhjet e tij të afërta me Qeverinë, po e çojnë atë drejt dyerve të ILD-së.

Kryesorja është se institucionet e drejtësisë po përqëndrohen në duar të njerëzve të Soros-it. Pas kapjes së Këshillit të Lartë të Prokurorisë me Gent Ibrahimit, me kunatin e ish Ministres së Mbrojtjes Mimi Kodheli, tashmë është radha e kapjes së Inspektoriatit të Lartë të Drejtësisë.

Në këtë mynyrë mbetet vetëm fotografia e Sorosit pa vendosur në zyrat e institucioneve, përndryshe, njerëzit e tij janë instaluar dhe po instalohen kudo. Artur Metani nuk e ka për herë të parë një emërim të kudnërligjshëm.

Edhe në krye të Avokaturës së Shtetit, ai është zgjedhur në mnyrë të errët dhe me prapaskena. Metani është vëllai i ish-ministres të Zhvillimit Urban dhe deputetes socialiste, Eglantina Gjermeni dhe u emërua në krye të Avokaturës si preferencë e kryeministrit Edi Rama.

Ndryshe, Metani njihet dhe si një nga veglat e të mirënjohurit “Don Agaçi”. Nga shkurti i vitit 1999 deri në mars 2002, Metani ka punuar si koordinator ligjor pranë ?Fondacionit të Shoqërisë së Hapur?, të George Soros-it në Shqipëri.

Nga shkurti i vitit 1999 deri në mars 2002, ai ka punuar si koordinator ligjor pranë ?Fondacionit për Shoqërinë e Hapur?, në Tiranë ndërsa vitet e fundit ka shërbyer si këshilltar i kryeministrit Rama.

Në kohën e emërimit në krye të Avokaturës së Shtetit, mediat kanë raportuar se procesi ka qenë antiligjor. Pasi emërimi i tij binte në kundërshtim me ?Ligjin për Avokaturën e Shtetit?.

Në këtë post, sipas nenit 21 pika 1 i Ligjit për Avokatin e Shtetit, zgjidhej një person që ka qenë më parë avokat shteti. Thënë më qartë se kreu i ASH, përzgjidhet nga brenda institucionit. Për më tepër fillimisht duhej të ishte bërë konkursi për këtë post, gjë që s’ka ndodhur kurrë.

Metani u vu në krye të institucionit në kundërshtim të hapur me ligjin, pa konkurs, pa qenë më parë avokat shteti, vetëm me urdhërin e kryeministrit Edi Rama, që ndryshe nënkupton urdhërin e Soros-it.

Metani jo vetëm u emërua kundërligjshëm në krye të Avokaturës së Shtetit, por regjistroi edhe skandale në këtë detyrë. Ai në krye të Avokaturës së Shtetit mban rekordin për humbjen e gjyqit 110 milion euro me Francesco Becchetin.

Një “pazar” i pistë, ky që duket se do të ketë pasoja për buxhetin e shtetit dhe si shpërblim për humbjen e 110 milion eurove, Metani po dërgohet në ILD, duke dorëzuar këtë të fundit, jo vetëm tek Rama por kryesisht tek Soros-i./CNA.al