web counter
LEXO PA REKLAMA!

SHKARKO APP

App Store
Google Play

E fundit!

x

Bledi Mane publikon skandalin/ Erion Veliaj “rickilon mbetjen” e Ardian Fullanit

31 Korrik 2019, 13:31, Politikë CNA

Gazetari Bledi Mane ka reaguar në lidhje me zgjedhjen e Toni Gogut në krye të Këshillit Bashkiak të Tiranës.

Në një postim në rrjetet sociale, Mane shkruan se ?mes qindra mijëra intelektualëve mendjendritur që ka kryeqyteti, kryebashkiaku i Tiranës, Erion Veliaj futi dorën në thesin e qokave dhe nxorri prej andej një burrë me mjekër nga Berati.?

Sipas tij, ai që Veliaj e zgjodhi në krye të Këshillit Bashkiak të Kryeqytetit ka një të kaluar të errët.

?Prej gati 7 vitesh ka punuar drejtor juridik në Bankën e Shqipërisë i sjellë aty nga gruaja e guvernatorit, Arjana Fullani. Vegël permanente dhe fshehës legal i dallavereve të njohura të Ardian Fullanit, ky zotëri ende nuk ka shkuar para drejtësisë për skandalin e vjedhjes së 7 milionë eurove në magazinat depozituese të Bankës së Shqipërisë gjatë vitit 2013-2014. Pas arrestimit të ish guvernatorit Fullani, ky bashkëpunëtor në krim për t’iu fshehur drejtësisë u largua nga Banka e Shqipërisë dhe nga miqtë e tij brenda qeverisë socialiste u katapultua drejtor i Agjencisë së Sigurimit të Depozitave.?-shkruan ndër të tjera Mane.

Postimi i plotë:

POSHTËRUESE/ ERJON VELIAJ RICIKLON MBETJEN E ARDIAN FULLANIT
Nga Bledi Mane-Public Enemy
Nga 700 mijë banorë të Tiranës, mes 35 mijë anëtarëve të Partisë Socialiste, mes qindra mijëra intelektualëve mendjendritur që ka kryeqyteti, Erjon Veliaj futi dorën në thesin e qokave dhe nxorri prej andej një burrë me mjekër nga Berati.

Toni Gogu sapo u zgjodh kryetar i këshillit bashkiak të Tiranës. Djali i një bojaxhiu beratas, pastor i një kishe evangjeliste në periferi të Tiranës momentalisht zv.ministër i drejtësisë, ka një të kaluar të errët.

Prej gati 7 vitesh ka punuar drejtor juridik në Bankën e Shqipërisë i sjellë aty nga gruaja e guvernatorit, Arjana Fullani. Vegël permanente dhe fshehës legal i dallavereve të njohura të Ardian Fullanit, ky zotëri ende nuk ka shkuar para drejtësisë për skandalin e vjedhjes së 7 milionë eurove në magazinat depozituese të Bankës së Shqipërisë gjatë vitit 2013-2014. Pas arrestimit të ish guvernatorit Fullani, ky bashkëpunëtor në krim për t’iu fshehur drejtësisë u largua nga Banka e Shqipërisë dhe nga miqtë e tij brenda qeverisë socialiste u katapultua drejtor i Agjencisë së Sigurimit të Depozitave. Ne fillim të mandatit të dytë qeverisës të Edi Ramës, Toni Gogu emërohet zv.ministër drejtësie ndërsa sot u zgjodh kryetar i këshillit bashkiak.
E ndërsa e mbyll edhe këtë lajm poshtërues, mu kujtua përsëri kryebashkiaku Veliaj bashkë me atë legjendën urbane:
Në një thes mbushur plot me pjeshkë, futi dorën dhe nxorri një trangull…
Madje trangull i kalbur sepse pastori Toni Gogu pavarësisht formimit teologjik nuk u shpëton dot mëkateve që nakatosi gjatë kohës kur punonte me guvernatorin burgaxhi Ardian Fullani.





Lajmet e fundit nga