web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 30 qershorit/ Xhelal Mziu bën lëvizjen e papritur

31 Korrik 2019, 08:37, Politikë CNA

Xhelal Mziu, kreu i bashkisë në detyrë i Kamzës, ka ngritur një padi në Gjykatën e Tiranës ku kërkon mosnjohjen e zgjedhjeve lokale të 30 qershorit.

Mziu kërkon nga gjykata që të mos njoh mandatin e Rakip Sulit, i cili fitoi garën në këto zgjedhje lokale.

Seanca gjyqësore lidhur me këtë çështje do të mbahet sot në orën 12:00 ku gjyqtare do të jetë Manjola Bejleri.

Sipas padisë dhe Xhelal Mziut ai ka te drejtë të qëndrojë në detyre deri në tetor, duke u bazuar në dekretin e Metës për zgjedhjet lokale që të zhvillohen më 13 tetor. Po kështu në orën 12 në Gjykatë do të shqyrtohet edhe kërkesa e kryetarit të Ri të Kamzës të dalë nga 30 qershori, Rakip Sulit.

Për më tepër, Mziu nuk liron zyrën edhe pse Suli tashmë ka bërë edhe betimin, edhe pse rrezikon kështu deri nënjë vit burg.

Kryerja e funksioneve nga kryebashkiakët pas mbarimit të mandatit përbën kundërvajtje penale dhe dënohet me gjobë ose me burgim gjer në një vit. Neni 249 i Kodit Penal parashikon që vazhdimi i ushtrimit të funksionit shtetëror apo të shërbimit publik nga ana e personit që është vënë në dijeni të vendimit apo rrethanës që u ka dhënë fund ushtrimit të tyre, përbën kundërvajtje penale dhe dënohet me gjobë ose me burgim gjer në një vit./CNA.al





Lajmet e fundit nga