E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në pa...

Lëvizja antiamerikane e Opozitës/ Spartak Ngjela: Do të përballen me drejtësinë

30 Korrik 2019, 17:54, Politikë CNA

Avokati Spartak Ngjela ka shenjëstruar Opozitën joparlamentare, të cilët sipas tij u hodhën në sulm për destabilizuar Shqipërinë.

Në shënjestër ka vënë edhe Presidentin Ilir Meta, duke risjellë në vëmendje përplasjet me ndërkombëtarët, ndonëse nuk e përmend me emër.

“Jam i sigurt kur them se individëve të korrupsionit shqiptar ka një vit që iu shfaqet netëve hija e Bankos. E ndiejnë që janë të pashpresë. Dhe kjo i hodhi në sulm për të destabilizuar Shqipërinë. Por dështuan si pasojë e forcës që politika amerikane ushtroi kundër tyre.

Prandaj tani gjithçka po shkon sipas skemës së politikës amerikane. Ajo që bie në sy është fakti që politika amerikane dhe politika gjermane janë në unison për qëndrimin kundrejt botës shqiptare në Ballkanin Perëndimor. Por, deri tani, të dyja këto politika kanë gjetur pengesë te lidershipi politik shqiptar, të të gjithë të korruptuarit të cilët do të jenë objekt i reformës antikorrupsion në Shqipëri”, ka shkruar Ngjela në rrjetet sociale.

Sipas të njëjtit një gjë është e sigurt, pasi shumë shpejt këta do të ikin nëpër proceset e tyre penale.

“Nuk kanë më asnjë shpresë. Rreptësia me të cilën i goditi dhe po i godet politika amerikane të korruptuarit e Shqipërisë tregon hapur që Reforma në Drejtësi në Shqipëri do të jetë drastike.

Reforma antikorrupsion, që e ka qëndrën e vet të Reforma në Drejtësi, tani është e strukturuar plotësisht.

Sot u mbyll i gjithë kuadri ligjor, dhe ajo që do të kërkohet, sigurisht duhet të jetë vëmëndje e plotë e opinionit publik ndaj kësaj Reforme, sepse te kjo Reformë është mbështjellë dhe jeton e gjithë e ardhmja moderne dhe në zhvillim e Shqipërisë.

Të kjo reformë e përfunduar me sukses qëndron vetë ngritja e personalitetit të shtetit shqiptar dhe e dinjitetit kombëtar, i cili tani është krejt e krejt i nëpërkëmbur, nëpërkëmbje kjo që iu ka bërë shumë dëm shqiptarëve”, ka shkruar më tej Ngjela./CNA.al