web counter
LEXO PA REKLAMA!

SHKARKO APP

App Store
Google Play

Përplasja për Teatrin/ Meta "zgjohet" me Ramën

1 Gusht 2019, 06:58, Politikë CNA

Presidenti Ilir Meta, ka njoftuar mëngjesin e sotëm, lëvizjen më të fundit që ka bërë për çështjen e Teatrit.

Me anë të një postimi në rrjete sociale, ai ka treeguar se ka dërguar një letër Aleancës për Mbrojtjen e Teatrit Kombëtar, për të konfirmuar mbështetjen e tij.

“Të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh”, ka shkruar Meta, ndërsa e ka shoqëruar këtë njoftim me një deklaratë të kryeministrit Edi Rama në vitin 2010.

Postimi i plotë:

Të dashur miq!

Po ju njoh me faktin se dje i kam dërguar një letër Aleancës për Mbrojtjen e Teatrit Kombëtar, për të konfirmuar mbështetjen time në aplikimin e saj drejtuar organizatës prestigjoze “Europa Nostra” për mbrojtjen e kompleksit të Teatrit Kombëtar dhe Teatrit Kombëtar Eksperimental.

Po kështu të gjitha qëndrimet e mia në mbrojtje të trashëgimisë historike e kulturore të Tiranës, kanë qenë dhe janë në koherencë të plotë për këtë çështje prej 20 vitesh.

Dëgjoni ju lutem kryeministrin aktual, z.Rama se si e konfirmonte këtë fakt në vitin 2000, kur shërbente me devocion të jashtëzakonshëm si ministër Kulture, në qeverinë që unë drejtoja.

 





Lajmet e fundit nga