web counter
LEXO PA REKLAMA!

SHKARKO APP

App Store
Google Play

E fundit!

x

Zyrtare/ Basha pranon humbjen edhe pse nuk hyri në zgjedhje

27 Korrik 2019, 18:18, Politikë CNA

Kryetari i Partisë Demokratike, Lulzim Basha pas dështimit të 30 qershorit, ka nxjerrë disa teza, nëpërmjet të cilave kërkon të justifikojë para strukturave dështimin e tij.

Ndër të tjera në dokumentin në fjalë, përmenden edhe disa bashki, ku numri i votuesve sipas tyre ka qënë i ulët.

Por, po të shikosh me kujdes listën, ajo që bie në sy është fakti se Basha përmend vetëm disa bashki të vogla.

Pra, statistikat e publikuara janë vetëm për rreth 15 bashki të vogla në Shqipëri apo për bashkitë e Shkodrës, Lezhës dhe Kukësit që kanë qënë bastione të PD-së.

Nuk kemi statistika as për Elbasanin, as për Tiranën, as për Korçën, as për Fierin , as për Vlorën dhe kryesisht statistikat e dhëna nga Lulzim Basha janë të manipuluara.

Pra, Basha me udhëzimin e dhënë dhe tezat që ka përdorur pas dështimit të 30 qershorit, pranon se ka humbur zgjedhjet edhe pse nuk hyri në zgjedhje.

Pra përdori argumentat për 10 apo 15 bashki , nga 61 bashki që ka Shqipëria, për të justifikuar dështimin e tij.

Ndërkohë që thotë se zgjedhjet ishin me një kandidat, në fakt në rreth 40 bashki zgjedhjet kanë qënë me më shumë se dy kandidatë. Edhe pse Basha nuk hyri në zgjedhje në raportin e dhënë pranon se po të hynte do të humbte dhe keqazi biles. Kjo tregohet qartë në faktin se nuk jep argumenta për bashkitë e mëdha aty ku bëhet beteja, në qendrat ku banojnë rreth 80% e popullsisë së Shqipërisë.

Në statistikat e dhëna nga Lulzim Basha përfshihen bashki dhe zgjedhës që janë në total jo më shumë se 20% e popullsisë së Shqipërisë, ç?ka tregon edhe një herë se që në tavolinë Basha është i dështuar.

Pra, Basha po tregon qartë se në zgjedhje nuk ka hyrë jo sepse ka pasë frikë se do i vidhnin votat, por sepse e dinte që do të humbte dhe më pas do të kishte probleme si kryetar partie dhe ka dashur të zgjasë agoninë e tij si kryetar i ngrirë në krye të PD-së./ CNA.al

Zbulohen tezat e PD pas 30 qershorit/ Asnjë koment kundër Soros, Basha zhytet në batak





Lajmet e fundit nga