web counter
LEXO PA REKLAMA!

SHKARKO APP

App Store
Google Play

E fundit!

x

Foto-Historia e pafundme e ngërçit të rrugës/ Zvarriten punimet në Bypassin e Fierit

24 Korrik 2019, 15:04, Sociale CNA

Bypass-i i Fierit është pjesë e një koridori të rëndësishëm nga Lushnja për  në Vlorë.

Por, ky projekt, duket se nuk do të përfundojë kurrë.

I nisur që nga koha e qeverisë Berisha, ende nuk dihet se kur do jetë finishi.

Prej  disa vitesh shqiptarët presin të përfundojnë 22 kilometrat e një autostrade të re, e cila shmang rrugën e vjetër kombëtare që lidh Fierin me qytetin e Vlorës.

Pas falimentimit të firmës italiane që fillimisht ka marrë punimet, është gjetur një tjetër zgjidhje me  kompaninë Alb Building, e cila po zbaton punimet në terren.

Autoriteti Rrugor Shqiptar ARRSH, vitin e kaluar  ka nënshkruar një kontratë prej 38 milion euro (43.3 milionë dollarë) me Kontratën e Kombinuar të Kuvajtit për ndërtimin e rrugës anësore të 22 kilometrave të bypass-it të Fierit.

Pas këtyre procedurave, kryeministri Edi Rama verën e vitit të kaluar njoftoi se gjatë sezonit veror të këtij ky segment do të ishte i hapur.

“Punimet që nisin në vjeshtë për Bypass-in e Fierit do të bejnë të mundur çlirimin e plotë të trafikut të automjeteve drejt jugut në sezonin e ardhshëm veror”, ka deklaruar Rama në gush të vitit 2018.

Por, kur po bëhen gati një vit nga kjo deklaratë është hapur vetëm njërin krah i rrugës.

Kryeministri Edi Rama, sërish reagoi duke deklaruar se punimet nuk do të ndalen deri në përfundimin e plotë.

Sipas tij mori fund historia e ngërçit të rrugës së Fierit gjatë sezonit turistik.

Por në fakt asgjë nuk ka marrë fund në këtë aks rrugor.

Është hapur njëri krah, i cili është totalisht i pasigurtë për shkak të fluksit. Për më tepër ka shumë pak tabela sinjalizuese dhe nuk janë marrë masat për sigurinë në qarkullimin rrugor  nga kompania që po zbaton punimet në rrugë.

Kompania ndërtuese ka vënë ca rrjeta në një pjesë të rrugës, por  në mënyrë sporadike  dhe jo në të gjithë pjesën ku po ndërtohet.

Si për të bërë më të rëndë qarkullimin po punohet me hapin e breshkës, për të mos thënë që punimet janë braktisur.

Fotot e shkrepura mesditën e sotme rreth orës 14 tregojnë  ndonjë kamion që lëviz tek tuk.

Askush nuk punon kompania ndërtuese përtej asaj që thotë kryeministri në të vërtetë ndryshe vepron në terren.

Më shumë duket sikur kompania po pushon pasi ka hapur njërin krah, se sapo merret me përfundimin total të këtij aksi rrugor, i cili kushton 38 milion euro./CNA.al

 





Lajmet e fundit nga