web counter
LEXO PA REKLAMA!

SHKARKO APP

App Store
Google Play

E fundit!

x

Besimtarët mbushin bulevardin “Dëshmorët e Kombit”/ Falet Namazi i Bajramit

15 Qershor 2018, 07:08, Sociale CNA

Besimtarët e fesë Islame festojnë sot ditën e parë të festës së Fiter Bajramit ose siç njihet në Shqipëri Bajramit të Madh.

Sot, pas 30 ditëve agjërim, lutje, adhurime, besimtarët muslimanë shqiptarë dhe ata në mbarë botën, festojnë Fitër Bajramin.

Mijëra besimtarë u mblodhën që në orët e para të mëngjesit në bulevardin Dëshmorët e Kombit, ndërsa namazi u fal në orën 06:00.

Pasi ka uruar të gjithë besimtarët, kreu i Komunitetit Mysliman, Skënder Bruçaj ka folur për rëndësinë e kësaj feste.

“Silluni mirë me prindërit, me të afërmit. Kush sheh një të keqe le ta ndryshojë atë. Mos keni smirë me njëri-tjetrin por duajeni njëri-tjetrin.” janë disa këshillat e fesë Islame, tha Bruçaj.

Ndërsa pas faljes së Bajramit, fjalimi i Hytbes u mbajt nga Myftiu i Tiranës, Ylli Gurra.

“Bajrami është dita e besimit të brengave, dita e shpresave të reja, është dita e të kujtuarit për njëri-tjetrin, dita e një jete të re, e pendesës për gabimet, e projekteve dhe veprave të mira. Dita kur mëritë, hatërmbetjet, xhelozia dhe smira marrin fund. Bajrami është solidarizim me mbarë shoqërinë. Zoti e ka veçuar Bajramin si moment gëzimi, prandaj neve na takon ta vlerësojmë në këtë mënyrë.”-tha Ylli Gurra.





Lajmet e fundit nga