Shtyhen aplikimet për “Smile Albania”/ Ja afati i fundit

22 Qershor 2018, 12:46, Sociale CNA

Prej dy javësh janë hapur aplikimet për projektin ?Smile Albania?, i cili synon punësimin e 500 të rinjve, të cilët do t?u japin informacion turistëve. Aplikimet shtyhen deri më datë 26 qershor ora 12. Kjo për t?ju dhënë shancin të gjithëve që dëshirojnë të aplikojnë, pasi ju duhet kohë për të plotësuar dokumentacionin e kërkuar, apo dhe për shkak të fluksit të aplikimit sistemi on line është bllokuar në ndonjë moment. Megjithatë AKZM ka vendosur në funksion të të rinjve edhe adresën e emailit [email protected], si dhe aplikimet mund të dërgohen me postë ose dorazi të 12 AdZM-të, si dhe pranë AKZM-së.

?Dua të them që kemi një interes të madh nga e të rinjve për të aplikuar, por sigurisht do të bëjë një thirrje që edhe në disa rrethe të rinjtë ta shohin këtë mundësi siç janë Vlora, Gjirokastra, por kur them Gjirokastra flas në rang Qarku duke patur parasysh dhe qytetin e Përmetit, apo kur them Korça, flas dhe për Pogradecin, Shkodra. Sigurisht kjo është një punë e paguar, pra dhe një mundësi e mirë për të rinjtë që muajt e verës t;i shfrytëzojnë sa më mirë?, tha Zamir Dedej, Drejtori i AKZM-së para mediave. Në të gjithë vendin do të ketë 30 info point, ku do të shpërndahen aplikantët sipas dëshirës që kanë shprehur të rinjtë që në aplikim.

?Projekti Smile do të ketë dhe tre kampingje. Kjo do të jetë pjesa argëtuese e programit, kampingjet do të jenë në Velipojë, Divjakë dhe duke diskutuar me donatorët, nëse ka mundësi për të ngritur kampe të tjerë ku do të zhvillohen dhe programe edukuesi sikundër është ?Junior Rangers? (Te rinjte mbrojtesit e natyres) si dhe guidat turistike. Do të jenë tre drejtimet madhore në të cilat do të zhvillohet ky projekt. Me ?smile? do të ndërmarrim fushata ndërgjegjësimi, pastrimi duke shkuar direkte në vendet e ndotura dhe do të pastrojmë?, tha Dedej. Ai theksoi se ky projekt është një ndërmarrje e madhe e Ministrisë së Turizmit dhe Mjedisit nëpërmjet Zonave të Mbrojtura.

?Kjo do të jetë një eksperiencë pozitive dhe vitin tjetër mendojmë që ta bëjmë edhe më fleksibël projektin për të llogaritur buxhetin përkatës, duke vënë re dhe cfarë nevojash do të na dalin këtë vit?, theksoi Dedej. Ndërkohë në faqen web, janë hedhur dhe dy formularë, të cilët mund të plotësohen on line nga turistët, kur hyjnë në Shqipëri, por dhe kur ikin, si dhe do të shpërndahen nga të rinjtë aty.