Video-Nga Shullazi tek hetimi i zyrtarëve të lartë/ Çfarë tha Hajdarmataj në KLP

17 Korrik 2019, 18:10, Aktualitet CNA

Prokurori i Krimeve të Rënda, Besim Hajdarmataj u la jashtë SPAK-ut nga KLP.

Kjo e fundit nuk e bën publik pikëzimin dhe emrat e relatorëve që janë marrë me subjektin Hajdarmataj.

Por, pasditen e sotme, pasi e kaloi të gjithë këtë proces në errësirë KLP, ka nxjerrë edhe videot e kandidatëve gjatë intervistës.

CNA. al do t?i publikojë të tëra, pasi disa nga kandidatët që janë përzgjedhur për në SPAK, është për të vënë duart në kokë se si flasin për vetën, le më të imagjinosh zyrtarë të lartë në duart e tyre.

Sot po sjellim intervistën e ish kreut të Prokurorisë për Krime të Rënda Besim Hajdarmataj, i cili ndryshe konsiderohet si prokurori i dosjeve ?të nxehta?, por që për KLP, s?kanë qenë të rëndësishme.

Në fillim të intervistës, ?kunati i Rilindjes?, që ndryshe quhet Gent Ibrahimi ka tentuar të provokojë Hajdarmatën.

?Shpresoj se ndiheni komod, i qetë, mes kolegësh, padyshim anëtar të KLP prokurorë janë kolegët tuaj por edhe ne që jemi prokurorë, jemi çdo ditë e më shumë të tillë, pasi po futemi në botën e prokurorisë çdo ditë që kalon?, i është drejtuar Ibrahimi, Hajdarmatajt.

Ky i fundit ka mbajtur të njëjtin ritëm gjatë gjithë intervistës, me një ton të qetë, ndërsa ka folur për karrierën e tij nga Tropoja, Kurbini, Durrës dhe më pas në Tiranë.

Hajdarmataj, ka evidentuar dosjet e rënda dhe të ndjeshme me të cilat është marrë që në fillimet e tij deri tek nisja e hetimeve dhe arrestimi i Shullazit.

Kujtojmë se ?Shullazi?, dyshohet se u tentua të rehabilitohej nga dy mikeshat Arta Marku dhe Donika Prela me lëvizjet dhe sherrin që bënë, me regji politike.

Hajdarmataj gjatë intervistës ndër të tjera ka treguar se edhe përse nuk janë prekur zyrtarët lartë dhe se çfarë e ka penguar Prokurorinë për Krime të Rënda.

?Ka pasur më pak raste të korrupsionit të zyrtarëve të lartë, kjo ka ndikuar edhe për shkak të mos referimit të veprave penale. Ne shpeshherë kemi ngritur si shqetësim në mënyrë të vazhdueshme faktin që , pasi ishte në shifra minimale referimi I veprave penale nga strukturat ligjzbatuese për korrupsionin e zyrtarëve të lartë?,ka thënë Hajdarmataj.

Për më tepër ndiqni videon e mëposhtme./CNA.al