E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Sekuestrohen pasuritë e të arrestuarve në operacionin "Toyota Yaris"

17 Korrik 2019, 18:08, Aktualitet CNA

Një tjetër sekuestrim u është bërë pasurive pronësore të të përfshirëve në operacionin “Toyota Yaris”. Policia e Shtetit në bashkëpunim me Prokurorinë e Krimeve të Rënda kanë bërë të mundur sekuestrimin e pasurive të paluajtshme që janë në pronësi të shtetasve shqiptarë me iniciale A. M., A. V., A. D., Gj. C. dhe K. M, të akuzuar për veprat penale ?Pastrimi i produkteve të veprës penale ose i veprimtarisë kriminale?, në bashkëpunim dhe ?Grup i strukturuar kriminal?.

Burime nga këto institucione thanë se bazuar në Vendimin e Gjykatës së Shkallës së Parë për Krime të Rënda, u vendosën nën sekuestro pasuritë e mëposhtë:

– Shuma prej 72 000 ? Eurosh në llogarinë e Shoqërisë me inicialet ?TRC? sh.p.k, pranë një banke të nivelit të dytë;

– Ranishte me sipërfaqe 11 167 m2 e ndodhur në fshatin Draç, Ishëm, në Gjirin e Lalzit, Durrës.

– Ranishte me sipërfaqe 140 m2 e ndodhur në fshatin Draç, Ishëm, në Gjirin e Lalzit, Durrës.

– Toke Arë me sipërfaqe 873 m2 e ndodhur në fshatin Draç, Ishëm, në Gjirin e Lalzit, Durrës.

– Truall me sipërfaqe 404,5 m2 + godinë banimi 2 katëshe, sipërfaqe banimi kati përdhe 147,6 m2, sipërfaqe verandë + shkallë 10,9 m2 + sipërfaqe banimi kati i parë 158,5 m2, e ndodhur në Njësinë Bashkiake Nr.11 Tiranë.

Sipas Policisë së Shtetit vijojnë procedurat në bashkëpunim me Agjencinë për Administrimin e Pasurive të Sekuestruara dhe të Konfiskuara, për kalimin në administrim nga shteti të të gjitha këtyre pasurive.

Katër të arrestuarit në Shqipëri janë Edi Lika, Klevi Lika, Agim Ceka dhe Alban Mollaymeri, ndërsa të proceduar në Belgjikë Alfred Vladi, Elvis Vladi, Edi Lika, Agim Ceka, Alban Mollaymeri, Niman Nimani, Alman Nimani, Albana Vladi, Arianit Nimani, Drita Sopo dhe Driton Hakaj.

Sekuestrimi i 3.4 milion euro në ?Toyota Yaris? në portin e Durrësit u bë në muajin qershor 2018. Eurot u gjetën në 2 automjete “Toyota Yaris”, për të cilat kryedemokrati Lulzim Basha akuzoi kreun e grupit parlamentar të PS Taulant Balla se ishte i përfshirë, akuza të cilat socialisti i cilësoi si shpifje duke ngritur padi ndaj tij.