web counter
LEXO PA REKLAMA!

SHKARKO APP

App Store
Google Play

Djali i Irfanit promovon jetën e luksit mes miliona dollarëve/  Mbi 20 gazetarë pa bukën e gojës

17 Korrik 2019, 13:46, Aktualitet CNA

Është bërë kryefjalë e mediave, ditët e fundit, jeta në luks e djalit të manjatit të medias shqiptare, Irfan Hysenbelliu, Fatmirit, i cili ekspozoi shtëpinë e tij 20 mln dollarë.

Ndjekësit u kapën me faktin që në këtë shtëpi kaq luksoze e të kushtueshme mungonte një bibliotekë, por përtej kësaj ka një problem edhe më shqetësues.

Stafi i Gazetës Shqiptare, rreth 20 gazetarë profesionistë të vjetër e të rinj që punojnë për këtë gazetë, nuk kanë marrë rrogat.

Burimet bëjnë me dije se prej muajit Maj, gazetarët nuk janë paguar dhe kjo ua ka bërë të vështirë mbijetesën pasi e vetmja e ardhur e tyre është puna.

Nga ana e drejtuesve me në krye pronarin Irfan Hysenbelliu nuk i jepet asnjë sqarim rreth arsyes së vonesës kaq të gjatë të rrogës dhe as një datë fikse se kur do i marrin.

E ndërsa flasim për raporte e lirinë e medias, mosmarrja e rrogës nga gazetarët të cilët punojnë e sakrifikojnë çdo ditë në profesionin e tyre, duke mos njohur e shijuar as ditë festash e as pushimesh, është një fakt ulëritës./CNA.al





Lajmet e fundit nga