Rikthehet marrëveshja Rama-Basha/ Futet në lojë edhe Ilir Meta

17 Korrik 2019, 11:53, Aktualitet CNA

Presidenti Ilir Meta ka propozuar sot ish-këshilltarin e Sali Berishës, Petraq Milon, për të pasuar Bujar Leskajn në krye të KLSH-së.

Pas rrëzimit të dy kandidaturave të para, gjyqtares së vetme të Kushtetueses Vitore Tusha dhe këshilltarit të tij Bahri Shaqiri, për të marrë drejtimin e Kontrollit të Lartë të Shtetit, sot Meta ka propozuar një kandidaturë të djathtë.

Pra, dy propozimet e para ishin të LSI, kurse sot Meta ka propozuar një kandidat me profil të fortë të djathtë. Njëlloj siç është edhe Bujar Leskaj, i cili është sot në detyrë.

Kandidati i propozuar nga presidenti, Petraq Milo është jo vetëm një ish-këshilltar i Berishës, por me një aktivitet të lartë politik.

Ka qënë anëtar i Bordit Drejtues të Bankës së Shqipërisë, i zgjedhur si përfaqësues i PD-së, ka qënë anëtar i Bordit të Sigurimeve Shoqërore në vitet 1993-1994); president i Komitetit të Borxhit të Brendshëm në 1994; anëtar i Bordit të KESH në vitet 2005-2008; kryetar i Bordit të INSIG në 2007-2011 dhe Këshilltar i Kryeministrit të Republikës së Shqipërisë për financat publike dhe politikat monetare në 2005-2013.

Pra, lëvizja e Metës, duke kaluar nga Vitore Tusha dhe Bahri Shaqiri, tek Petraq Milo, erdhi pas takimit që zhvilloi një ditë më parë, kreu i PD-së, Lulzim Basha me presidentin Ilir Meta.

Siç duket kjo është një lëvizje, e cila ngre dyshimet që ka një marrëveshje politike në sfond, mes Ramës dhe Bashës, por pritet për t?u parë hapat që do të hidhen.

Nga një KLSH, e cila pretendohej se mund t?i takonte LSI-së, apo se mazhoranca mund ta refuzonte, opozitës po i jepet KLSH-ja në tavolinë.

Çështja është se Partia Demokratike nuk i njëh deputetët e saj në parlament, dhe do të jenë socialistët që do ta votojnë, pra me votat e mazhorancës mund të dalë kreu i ri i KLSH-së.

Ilir Meta po ia servir në tavolinë Lulzim Bashës, KLSH-në, dhe duket si hapi i parë drejt një marrëveshje politike, për të ç?tensionuar opozitën dhe për t?u futur në një rrugë marrëdhëniesh normale institucionale.

Kujtojmë këtu një situatë të ngjashme edhe në vitin 2017, kur PD-ja u fut në çadër dhe pas marrëveshjes së 17 majit, mes Ramës dhe Bashës, PD jo vetëm që hyri në zgjedhje, por mori edhe Avokatin e Popullit.

Këtë radhë zgjedhjet u bënë, por PD-së, po i jepet KLSH-ja në tavolinë, ndërkohë që PS-ja nuk e ka pasur kurrë atë institucion, gjithmonë e ka pasur PD-ja.

PD-ja edhe kur ishte në pushtet, nuk ua dha socialistëve KLSH-në, por vendosi Bujar Leskajn, i propozuar nga Bamir Topi.

Por, ndërkohë kujtojmë këtu edhe bojtotin e PS-së dhe grevën e urisë, dhe më pas në maj të vitit 2010, Sali Berisha dhe Edi Rama zhvilluan një takim tek restorant ?Krokodili?.

Në këtë takim, PS morri Avokatin e Popullit dhe iku me bisht ?në shalë?. Ndërsa sot, PD po merr KLSH-në, pasi Avokatin e ka për të shkuar drejt një marrvëshjeje institucionale./ CNA.al