web counter
LEXO PA REKLAMA!

SHKARKO APP

App Store
Google Play

Akuzohet për korrupsion/ Arrestohet në SHBA ish Presidenti

17 Korrik 2019, 16:52, Aktualitet CNA

Prokurorët e akuzojnë ish Presidentin për marrjen e një ryshfeti prej 20 milionë dollarësh nga një kompani ndërtimi në këmbim të një kontrate qeveritare për të ndërtuar një autostradë…

Autoritetet amerikane njoftuan se kanë arrestuar ish-presidentin peruan Alejandro Toledo, bazuar në një urdhër të autoriteteve peruane nën akuzat për korrupsion.

Sipas Departamentit të Drejtësisë Alejandro Toledon u arrestua në Kaliforni dhe pritet që më vonë gjatë kësaj të zhvillohet një seancë dëgjimore për ekstradimin e tij. Alejandro Toledo ndodhej në SHBA i ftuar nga universiteti i Stanfordit në cilësinë e studiuesit.

Prokurorët peruan e akuzojnë ishpresidentin Toledo për marrjen e një ryshfeti prej 20 milionë dollarësh nga një kompani ndërtimi braziliane, në këmbim të një kontrate qeveritare për të ndërtuar një autostradë mes Perusë dhe Brazilit.

Vitin e kaluar prokurorët nisën një hetim të gjerë ndaj këtij skandali duke përfshirë edhe dy ish-presidentë të tjerë, Pedro Pablo Kuczynski dhe Alan Garcia.

Ky i fundit (Alan Garcia) vrau veten në muajin prill kur policia shkoi në shtëpinë e tij për ta arrestuar. Pedro Pablo Kuczynski ndodhet në arrest shtëpiak ndërsa po merr veten nga një operacion që ka kryer së fundmi në zemër.

Alejandro Toledo, i cili ka qenë në detyrën e presidentit prej vitit 2001 deri më 2006-n, i ka mohuar akuzat./VOA/





Lajmet e fundit nga