web counter
LEXO PA REKLAMA!

SHKARKO APP

App Store
Google Play

“Situatë e frikshme”/ Rama "dush të ftohtë" drejtuesve të Tatimeve

15 Korrik 2019, 10:10, Aktualitet CNA

Kryeministri Edi Rama ka folur sot për mediat në një konferencë lidhur me tatimet dhe rritjen e informalitetit.

Rama tha se muajt e fundit është kthyer përsëri situata e informalitetit dhe ka filluar të bëhet ?e frikshme?, sidomos informaliteti në punë.

Ai kritikoi në përgjithësi drejtuesit e tatimeve duke thënë se barra kryesore është ajo e drejtuesve prandaj, tha Rama, kemi vendosur të ndryshojmë drejtuesin e përgjithshëm.

Rama shkarkoi Enton Duron nga Tatimet dhe emëroi Delina Ibrahimajn, e cila ka qenë në krye të INSTAT.

?Dhënia dhe marrja e kuponit tatimor është në nivela të ulëta. Rritje e frikshme e informalitetit në punë, lëvizjet e këtyre muajëve janë lëvizje anti-shtet. Janë rishfaqur problemet e mëparshme të lidhura me informalitetin dhe dhënien e faturave.

Do punojmë për faturën elektronike dhe nxjerrjen në sipërfaqe të të gjitha transaksioneve duke kaluar në model digjital ku çdo faturë është e monitorueshme në kohë reale. Kjo nuk e përjashton faktorin njeri, organizim, koordinim dhe veprimin e përditshëm në territor përmes syve njerëzor.

Si ka mundësi që akciza në përgjithësi të mos adresohen nga ky sistem administrativ në mënyrë të koordinuar, për të mos folur për turizmin, kemi bërë një ulje drastike të TVSH me 6%, në funksion të lehtësimit të sipërmarrjes dhe formalizimit të tregut. Sipërmarrja është lehtësuar por ajo nuk është formalizuar dhe mungon tërësisht analiza e riskut.

Mosfunksioni i sistemit cenon edhe investimet në vend. Skemat e mashtrimit me TVSH te ndërtimi janë zbuluar, janë goditur por nuk janë eleminuar. Informaliteti nuk do të tolerohet më tutje,?- ka thënë Rama në fjalën e tij./CNA.al





Lajmet e fundit nga