web counter
LEXO PA REKLAMA!

SHKARKO APP

App Store
Google Play

E fundit!

x

Shfaqja e Jul Cezarit në oborrin e Teatrit Kombëtar/ Si u sfiduan Rama dhe Veliaj

15 Korrik 2019, 07:24, Aktualitet CNA

Mbrëmjen e së shtunës në oborrin e Teatrit Kombëtar, kroati Ivica Buljan, solli në Shqipëri trillerin politik ?Jul Cezari?.

Mendohet që Shakespeare e ka shkruar atë në vitin 1599. Një prej veprave të tij më dramatike që shqyrton kërkesat konfliktuale të nderit, patriotizmit dhe miqësisë.

?Historia e vërtetë e Jul Cezarit ndodhi në vitin 44 para erës sonë. Ndërkohë që kishim Mbretëreshën Elisabetë në kohën e Shekspiriti. Ai vendosi të ngjiste në skenë këtë triller politik në fund të periudhës së rilindjes për të treguar që qënia njerëzore ka mbetur e njëjtë. Së brendshmi ne jemi ende shumë afër kafshëve?, ka thënë regjizori, Ivica Buljan.

Por, pas kësaj shfaqje, ka reaguar aktori dhe regjisori shqiptar, Edmon Budina, i cili në një postim në rrjetet sociale, shkruan se ?Mbrëmë pashë një shfaqje teatri, një Shekspir të sjellë në ditët tona, ku lufta për pushtet zhvillohet mes bandash. E pashë pikërisht në atë hapësirë, në oborrin e Teatrit Kombetar, që banditët pushtetarë, kriminelët e vrasësit e kulturës, të korruptuarit e djeshëm e të sotëm duan ta grabitin për të pastruar paratë e tyre të pista. Të vjedhin truallin, të shembin atë shenjtëri që quhet Teatri Kombëtar. Shfaqja e mbrëmshme i bëri një rivlerësim asaj hapësire magjike, që asnjë ndërtim sado modern e i përsosur të jetë, nuk mund t?ia japë.?.

Më tej, ai shigjeton kolegët që janë pro shembjes së Teatrit, dhe intelektualët.

?Më vjen keq për ata kolegë të mi, që kërkojne prishjen e Teatrit Kombëtar, më vjen keq edhe për ata që heshtin, që shiten e blihen për një vend pune, për një projekt të financuar majmshëm nga Bashkia a Ministria. Më vjen keq për intelektualët e vendit tim, që bëjnë të paditurin e heshtin e me heshtjen e tyre bëhen bashkëfajtorë në krim. Më vjen të ulëras për këtë klasë politike të papërgjegjshme, të lidhur me krimin, që po e çon vendin drejt greminës. Një nga të parat që vithiset prej pushtetarëve është kultura dhe shembulli I Teatrit e tregon më së miri këtë. Për këtë unë e gjej Jul Qezarin një shfaqje proteste.?-shkruan ndër të tjera Edmond Budina./ CNA.al





Lajmet e fundit nga