web counter
LEXO PA REKLAMA!

SHKARKO APP

App Store
Google Play

Shkarkimi i Enton Duros/ Zbulohet kreu i ri i Tatimeve

15 Korrik 2019, 09:51, Aktualitet CNA

Pesë ditë më parë, në media u publikua lajmi se është shkarkuar nga detyra Kreu i Përgjithshëm i Tatimeve, Enton Duro, i cili kishte vetëm pas tre muajsh në këtë detyrë.

Ndërkohë, sot mësohet se në këtë detyrë është emëruar Delina Ibrahimaj.

Delina Ibrahimaj prej nëntorit të vitit 2016 mbante detyrën e drejtoreshës së Përgjithshëm të Institutit të Statistikave (INSTAT).

Delina Ibrahimaj ka punuar pranë Kryeministrisë, si koordinatore për krijimin e një sistemi të integruar shkëmbimi informacionesh dhe statistikash operacionale të Instituteve shtetërore.

Kush është Delina Ibrahimaj:

Ibrahimaj mban gradën Doktor (PhD) në Bankë dhe Financë nga Universiteti i Romës, Tor Vergata. Ibrahimaj ka përfunduar studimet e larta në Universitetin e Bocconit në Milano, Itali, ku është diplomuar për Ekonomi Ndërkombëtare dhe më pas ka kryer masterin për Menaxhim të Përgjithshëm po në të njëjtin universitet.

Ajo ka një përvojë të gjerë në kryerjen e analizave ekonomike, fituar gjatë eksperiencës së punës në Bankën e Shqipërisë dhe pranë Kryeministrisë si koordinatore për krijimin e një sistemi të integruar shkëmbimi informacionesh dhe statistikash operacionale të Instituteve Shtetërore.

Ibrahimaj ka qenë pjesë e disa publikimeve dhe studimeve në fushën e ekonomisë dhe financave./CNA.al

Shkarkohet Drejtori i Përgjithshëm i Tatimeve





Lajmet e fundit nga