Nga Artur Roshi/ Beteja vazhdon

1 Korrik 2019, 12:48, Aktualitet CNA

Sot nuk është fillimi i diktaturës, por fillimi i fitores sonë Opozitare. Mungesa e ? Votës së Lirë ? si institucion prodhoi një krizë ligjore para zgjedhjeve dhe një krizë morale tani mbas tyre.

? Vota e Lirë ? si institucion nuk ka lidhje me sistemin zgjedhor i cili bën përthyerjen e saj në mënyrë propocionale me besimin politik të qytetarëve.

Krizën ligjore parazgjedhore e zgjidhëm me presionin e ndërkombëtarëve duke mos anashkaluar,shtyrë datën e zgjedhjeve të fiksuar në dekretin e parë të Presidentit të Republikës. Në çdo palë zgjedhje bëjmë të njëjtën gjë,presion se nuk futemi në zgjedhje, pavarësisht krahëve politikë dhe kush ka radhën për ta bërë dhe, kërkojmë rezultate të ndryshme,pra një nonsens i madh logjik.

Kjo eksperiencë politike që krijuam nga këto zgjedhje nuk do të na lërë më të kalojmë nga shtegu i të fortëve se me marrëveshje shtyjmë zgjedhje,ndërrojmë kushtetutë,ndërrojmë ligje,që do të thotë se të fortët shprehin vullnetin e zotit dhe të tjerët vetëm ti binden. Unë nuk jam dakort se ne po shkojmë në diktaturë me vëmëndjen e shtuar të Amerikanëve në këtë situatë.

Kjo është vërtetësisht e pamundur. Sot nuk është fillimi i diktaturës,por fillimi i fitores sonë Opozitare Sot politika shqiptare,realisht është në një ?Krizë Morale? që erdhi si rezultat i produktit zgjedhor pa garë të plotë, ku fituesi ishte thjesht një nominim i atyre që organizonin garën,pra i qeverisë. Nga ana tjetër taktika e jonë si ?Opozitë e Bashkuar ? për të mos dalë në zgjedhje rezultoi e sukseshme dhe i dha dy goditje qeverisë,humbjen e moralit qeverisës si monopartiake, dhe humbjen e fuqisë së besimit të socialistëve si më të paktë në numur.

Ne si Opozitë nuk duhet të emocionohemi nga efekti pozitiv në favor të ndryshimit të pushtetit,që jep negativiteti i zgjedhjeve pa garë,në qoftë se nuk fiksojmë votën e lirë në kodin zgjedhor nëpërmjet votimit dhe numurimit elektronik-biometrik. Shpresoj se kjo ? Krizë Morale ?do na shtyjë drejt zgjidhjes së çështjes së votës së lirë në të gjitha dimensionet e saj, ku mbas kësaj çdo gjë do të futet natyrshëm në ullinjtë ligjorë, moralë dhe parimorë.

Ky duhet të jetë objektivi i pashmangshëm i Opozitës. Tek vota e lirë shoh fuqinë dhe fitoren tonë si Opozitë. Tek progami ynë shoh jetëgjatësinë e qeverisjes tonë nesër. Betaja vazhdon …./CNA.al