web counter
LEXO PA REKLAMA!

SHKARKO APP

App Store
Google Play

Zgjedhjet e 30 qershorit/ Reagon Ilir Meta

1 Korrik 2019, 09:44, Aktualitet CNA

Kreu i Shtetit, Ilir Meta, ka uruar qytetarët që kanë respektuar njëri-tjetrin dhe i janë larguar dhunës në zgjedhjet lokale që u zhvilluan ditën e djeshme.

Meta shkruan se Shqipëria shpëtoi nga kurthi i përplasjeve civile, duke falemderuar qytetarët që nuk ranë pre e retorikës së dhunës nga liderët e papërgjegjshëm që duan të fshehin kështu skandalet dhe llogaridhënin e tyre.

Postimi i plotë i Ilir Metës

Urime të gjithë qytetarëve që dje iu larguan konfrontimit dhe dhunës duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.

Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.

Përsa i takon tejkalimeve të planit në votimet socialiste, asnjë surprizë nuk kisha.
Tani me duhet të ?shpik? një dekoratë të re, që besoj me ndihmën e Kuvendit socialist do miratohet, atë të ?Heroit të votave socialiste?.

Për të shijuar rikthimin e kohës së votimeve kolektive, ju ftoj të ndiqni edhe këtë video./CNA.al





Lajmet e fundit nga